सुना भी कभी माजरा दर्द-ओ-ग़म का किसी दिल-जले की ज़बानी कहो तो
निकल आएँ आँसू कलेजा पकड़ लो करूँ अर्ज़ अपनी कहानी कहो तो
तुम्हें रंग-ए-मय शैख़ मर्ग़ूब क्या है गुलाबी हो या ज़ा'फ़रानी कहो तो
पिलाए कोई साक़ी-ए-हूर-पैकर मुसफ़्फ़ा कशीदा पुरानी कहो तो
तमन्ना-ए-दीदार है हसरत-ए-दिल कि तुम जल्वा-फ़रमा हो मैं आँखें सेकूँ
न कह देना मूसा से जैसे कहा था मिरी अर्ज़ पर लन-तरानी कहो तो
वफ़ा-पेशा आशिक़ नहीं देखा तुम ने मुझे देख लो जाँच लो आज़मा लो
तुम्हारे इशारे पे क़ुर्बान कर दूँ अभी माया-ए-ज़िंदगानी कहो तो
कहाँ मैं कहाँ दास्ताँ का तक़ाज़ा मिरे ज़ब्त-ए-दर्द-ए-निहाँ का है कहना
फिर उस पर ये ताकीद भी है बराबर न कहना पुरानी कहानी कहो तो
मिरे नामा-ए-शौक़ की सत्र में है जगह इक जो सादा वो मोहमल नहीं है
मैं हो जाऊँ ख़िदमत में हाज़िर अभी ख़ुद बताने को इस के मआ'नी कहो तो
sunā bhī kabhī mājrā dard-o-ġham kā kisī dil-jale kī zabānī kaho to
nikal aa.eñ aañsū kaleja pakaḌ lo karūñ arz apnī kahānī kaho to
tumheñ rañg-e-mai shaiḳh marġhūb kyā hai gulābī ho yā za.afrānī kaho to
pilā.e koī sāqi-e-hūr-paikar musaffā kashīda purānī kaho to
tamannā-e-dīdār hai hasrat-e-dil ki tum jalva-farmā ho maiñ āñkheñ sekūñ
na kah denā muusā se jaise kahā thā mirī arz par lan-tarānī kaho to
vafā-pesha āshiq nahīñ dekhā tum ne mujhe dekh lo jāñch lo aazmā lo
tumhāre ishāre pe qurbān kar duuñ abhī māya-e-zindagānī kaho to
kahāñ maiñ kahāñ dāstāñ kā taqāzā mire zabt-e-dard-e-nihāñ kā hai kahnā
phir us par ye tākīd bhī hai barābar na kahnā purānī kahānī kaho to
mire nāma-e-shauq kī satr meñ hai jagah ik jo saada vo mohmal nahīñ hai
maiñ ho jā.ūñ ḳhidmat meñ hāzir abhī ḳhud batāne ko is ke ma.ānī kaho to
سنا بھی کبھی ماجرا درد و غم کا کسی دل جلے کی زبانی کہو تو
نکل آئیں آنسو کلیجہ پکڑ لو کروں عرض اپنی کہانی کہو تو
تمہیں رنگ مے شیخ مرغوب کیا ہے گلابی ہو یا زعفرانی کہو تو
پلائے کوئی ساقئ حور پیکر مصفا کشیدہ پرانی کہو تو
تمنائے دیدار ہے حسرت دل کہ تم جلوہ فرما ہو میں آنکھیں سینکوں
نہ کہہ دینا موسیٰ سے جیسے کہا تھا مری عرض پر لن ترانی کہو تو
وفا پیشہ عاشق نہیں دیکھا تم نے مجھے دیکھ لو جانچ لو آزما لو
تمہارے اشارے پہ قربان کر دوں ابھی مایۂ زندگانی کہو تو
کہاں میں کہاں داستاں کا تقاضا مرے ضبط درد نہاں کا ہے کہنا
پھر اس پر یہ تاکید بھی ہے برابر نہ کہنا پرانی کہانی کہو تو
مرے نامۂ شوق کی سطر میں ہے جگہ اک جو سادہ وہ مہمل نہیں ہے
میں ہو جاؤں خدمت میں حاضر ابھی خود بتانے کو اس کے معانی کہو تو