सुन तो सही जहाँ में है तेरा फ़साना क्या
कहती है तुझ को ख़ल्क़-ए-ख़ुदा ग़ाएबाना क्या
क्या क्या उलझता है तिरी ज़ुल्फ़ों के तार से
बख़िया-तलब है सीना-ए-सद-चाक शाना क्या
ज़ेर-ए-ज़मीं से आता है जो गुल सो ज़र-ब-कफ़
क़ारूँ ने रास्ते में लुटाया ख़ज़ाना क्या
उड़ता है शौक़-ए-राहत-ए-मंज़िल से अस्प-ए-उम्र
महमेज़ कहते हैंगे किसे ताज़ियाना क्या
ज़ीना सबा का ढूँडती है अपनी मुश्त-ए-ख़ाक
बाम-ए-बुलंद यार का है आस्ताना क्या
चारों तरफ़ से सूरत-ए-जानाँ हो जल्वा-गर
दिल साफ़ हो तिरा तो है आईना-ख़ाना क्या
सय्याद असीर-ए-दाम-ए-रग-ए-गुल है अंदलीब
दिखला रहा है छुप के उसे दाम-ओ-दाना क्या
तब्ल-ओ-अलम ही पास है अपने न मुल्क ओ माल
हम से ख़िलाफ़ हो के करेगा ज़माना क्या
आती है किस तरह से मिरे क़ब्ज़-ए-रूह को
देखूँ तो मौत ढूँड रही है बहाना क्या
होता है ज़र्द सुन के जो नामर्द मुद्दई
रुस्तम की दास्ताँ है हमारा फ़साना क्या
तिरछी निगह से ताइर-ए-दिल हो चुका शिकार
जब तीर कज पड़े तो उड़ेगा निशाना क्या
सय्याद-ए-गुल-एज़ार दिखाता है सैर-ए-बाग़
बुलबुल क़फ़स में याद करे आशियाना क्या
बेताब है कमाल हमारा दिल-ए-हज़ीं
मेहमाँ सरा-ए-जिस्म का होगा रवाना क्या
यूँ मुद्दई हसद से न दे दाद तो न दे
'आतिश' ग़ज़ल ये तू ने कही आशिक़ाना क्या
sun to sahī jahāñ meñ hai terā fasāna kyā
kahtī hai tujh ko ḳhalq-e-ḳhudā ġhā.ebāna kyā
kyā kyā ulajhtā hai tirī zulfoñ ke taar se
baḳhiya-talab hai sīna-e-sad-chāk shāna kyā
zer-e-zamīñ se aatā hai jo gul so zar-ba-kaf
qārūñ ne rāste meñ luTāyā ḳhazāna kyā
uḌtā hai shauq-e-rāhat-e-manzil se asp-e-umr
mahmez kahte haiñge kise tāziyāna kyā
ziina sabā kā DhūñDtī hai apnī musht-e-ḳhāk
bām-e-buland yaar kā hai āstāna kyā
chāroñ taraf se sūrat-e-jānāñ ho jalva-gar
dil saaf ho tirā to hai ā.īna-ḳhāna kyā
sayyād asīr-e-dām-e-rag-e-gul hai andalīb
dikhlā rahā hai chhup ke use dām-o-dāna kyā
tabl-o-alam hī paas hai apne na mulk o maal
ham se ḳhilāf ho ke karegā zamāna kyā
aatī hai kis tarah se mire qabz-e-rūh ko
dekhūñ to maut DhūñD rahī hai bahāna kyā
hotā hai zard sun ke jo nāmard mudda.ī
rustam kī dāstāñ hai hamārā fasāna kyā
tirchhī nigah se tā.ir-e-dil ho chukā shikār
jab tiir kaj paḌe to uḌegā nishāna kyā
sayyād-e-gul-ezār dikhātā hai sair-e-bāġh
bulbul qafas meñ yaad kare āshiyāna kyā
betāb hai kamāl hamārā dil-e-hazīñ
mehmāñ sarā-e-jism kā hogā ravāna kyā
yuuñ mudda.ī hasad se na de daad to na de
'ātish' ġhazal ye tū ne kahī āshiqāna kyā
سن تو سہی جہاں میں ہے تیرا فسانہ کیا
کہتی ہے تجھ کو خلق خدا غائبانہ کیا
کیا کیا الجھتا ہے تری زلفوں کے تار سے
بخیہ طلب ہے سینۂ صد چاک شانہ کیا
زیر زمیں سے آتا ہے جو گل سو زر بکف
قاروں نے راستے میں لٹایا خزانہ کیا
اڑتا ہے شوق راحت منزل سے اسپ عمر
مہمیز کہتے ہیں گے کسے تازیانہ کیا
زینہ صبا کا ڈھونڈتی ہے اپنی مشت خاک
بام بلند یار کا ہے آستانہ کیا
چاروں طرف سے صورت جاناں ہو جلوہ گر
دل صاف ہو ترا تو ہے آئینہ خانہ کیا
صیاد اسیر دام رگ گل ہے عندلیب
دکھلا رہا ہے چھپ کے اسے دام و دانہ کیا
طبل و علم ہی پاس ہے اپنے نہ ملک و مال
ہم سے خلاف ہو کے کرے گا زمانہ کیا
آتی ہے کس طرح سے مرے قبض روح کو
دیکھوں تو موت ڈھونڈ رہی ہے بہانہ کیا
ہوتا ہے زرد سن کے جو نامرد مدعی
رستم کی داستاں ہے ہمارا فسانہ کیا
ترچھی نگہ سے طائر دل ہو چکا شکار
جب تیر کج پڑے تو اڑے گا نشانہ کیا
صیاد گل عذار دکھاتا ہے سیر باغ
بلبل قفس میں یاد کرے آشیانہ کیا
بیتاب ہے کمال ہمارا دل حزیں
مہماں سرائے جسم کا ہوگا روانہ کیا
یوں مدعی حسد سے نہ دے داد تو نہ دے
آتشؔ غزل یہ تو نے کہی عاشقانہ کیا