सुकूत-ए-ग़म को भी तर्ज़-ए-बयाँ कहना ही पड़ता है
मोहब्बत में ख़मोशी को ज़बाँ कहना ही पड़ता है
कभी हम मेहरबाँ को मेहरबाँ कहते भी डरते हैं
कभी ना-मेहरबाँ को मेहरबाँ कहना ही पड़ता है
तक़ाज़ा-ए-वफ़ा कहिए इसे या मस्लहत कहिए
ज़बाँ रख कर भी ख़ुद को बे-ज़बाँ कहना ही पड़ता है
कहाँ तक ज़ब्त का दामन न छोड़ें हम भी इंसाँ हैं
किसी से तो कभी दर्द-ए-निहाँ कहना ही पड़ता है
कभी ऐसा भी होता है कि ख़ुद मंज़िल से घबरा कर
ग़ुबार-ए-कारवाँ को कारवाँ कहना ही पड़ता है
मयस्सर जिस क़फ़स में हो गुलिस्ताँ की सी आज़ादी
तो फिर ऐसे क़फ़स को आशियाँ कहना ही पड़ता है
गुज़र जाते हैं जो लम्हे तिरी यादों के साए में
उन्हें तस्कीन-ए-दिल आराम-ए-जाँ कहना ही पड़ता है
जहाँ सय्याद रख देता है कुछ तिनके नशेमन के
हमें फिर उस जगह को आशियाँ कहना ही पड़ता है
हरीम-ए-नाज़ में फ़रियाद का क्या काम ऐ 'जौहर'
फ़ुग़ाँ को भी यहाँ नंग-ए-फ़ुग़ाँ कहना ही पड़ता है
sukūt-e-ġham ko bhī tarz-e-bayāñ kahnā hī paḌtā hai
mohabbat meñ ḳhamoshī ko zabāñ kahnā hī paḌtā hai
kabhī ham meherbāñ ko meherbāñ kahte bhī Darte haiñ
kabhī nā-mehrbāñ ko meherbāñ kahnā hī paḌtā hai
taqāzā-e-vafā kahiye ise yā maslahat kahiye
zabāñ rakh kar bhī ḳhud ko be-zabāñ kahnā hī paḌtā hai
kahāñ tak zabt kā dāman na chhoḌeñ ham bhī insāñ haiñ
kisī se to kabhī dard-e-nihāñ kahnā hī paḌtā hai
kabhī aisā bhī hotā hai ki ḳhud manzil se ghabrā kar
ġhubār-e-kārvāñ ko kārvāñ kahnā hī paḌtā hai
mayassar jis qafas meñ ho gulistāñ kī sī āzādī
to phir aise qafas ko āshiyāñ kahnā hī paḌtā hai
guzar jaate haiñ jo lamhe tirī yādoñ ke saa.e meñ
unheñ taskīn-e-dil ārām-e-jāñ kahnā hī paḌtā hai
jahāñ sayyād rakh detā hai kuchh tinke nasheman ke
hameñ phir us jagah ko āshiyāñ kahnā hī paḌtā hai
harīm-e-nāz meñ fariyād kā kyā kaam ai 'jauhar'
fuġhāñ ko bhī yahāñ nang-e-fuġhāñ kahnā hī paḌtā hai
سکوت غم کو بھی طرز بیاں کہنا ہی پڑتا ہے
محبت میں خموشی کو زباں کہنا ہی پڑتا ہے
کبھی ہم مہرباں کو مہرباں کہتے بھی ڈرتے ہیں
کبھی نا مہرباں کو مہرباں کہنا ہی پڑتا ہے
تقاضائے وفا کہئے اسے یا مصلحت کہئے
زباں رکھ کر بھی خود کو بے زباں کہنا ہی پڑتا ہے
کہاں تک ضبط کا دامن نہ چھوڑیں ہم بھی انساں ہیں
کسی سے تو کبھی درد نہاں کہنا ہی پڑتا ہے
کبھی ایسا بھی ہوتا ہے کہ خود منزل سے گھبرا کر
غبار کارواں کو کارواں کہنا ہی پڑتا ہے
میسر جس قفس میں ہو گلستاں کی سی آزادی
تو پھر ایسے قفس کو آشیاں کہنا ہی پڑتا ہے
گزر جاتے ہیں جو لمحے تری یادوں کے سائے میں
انہیں تسکین دل آرام جاں کہنا ہی پڑتا ہے
جہاں صیاد رکھ دیتا ہے کچھ تنکے نشیمن کے
ہمیں پھر اس جگہ کو آشیاں کہنا ہی پڑتا ہے
حریم ناز میں فریاد کا کیا کام اے جوہرؔ
فغاں کو بھی یہاں ننگ فغاں کہنا ہی پڑتا ہے