सुहूलत आएगी दुश्वार से गुज़रते हुए
मैं दर बनाऊँगा दीवार से गुज़रते हुए
मुझे यक़ीन नहीं आ रहा कि ये मैं था
खड़ा हूँ अपने ही आसार से गुज़रते हुए
ज़ियादा-तर यहीं रह जाऊँगा कहीं बाक़ी
अभी तिरे गुल-ओ-गुलज़ार से गुज़रते हुए
‘अजाइबात की होती है एक दहशत भी
मैं डर गया तिरे असरार से गुज़रते हुए
ये वो सफ़र है कि जिस ने थका दिया है बहुत
पड़ा हूँ ख़्वाब-ए-गिराँ-बार से गुज़रते हुए
यही बहुत है तमाशा सा इक दिखा जाऊँ
शरार बन के ख़स-ओ-ख़ार से गुज़रते हुए
ख़रीदना नहीं कुछ मैं ने बेचना है 'ज़फ़र'
रुका हुआ हूँ जो बाज़ार से गुज़रते हुए
suhūlat aa.egī dushvār se guzarte hue
maiñ dar banā.ūñgā dīvār se guzarte hue
mujhe yaqīn nahīñ aa rahā ki ye maiñ thā
khaḌā huuñ apne hī āsār se guzarte hue
ziyāda-tar yahīñ rah jā.ūñgā kahīñ baaqī
abhī tire gul-o-gulzār se guzarte hue
‘ajā.ibāt kī hotī hai ek dahshat bhī
maiñ Dar gayā tire asrār se guzarte hue
ye vo safar hai ki jis ne thakā diyā hai bahut
paḌā huuñ ḳhvāb-e-girāñ-bār se guzarte hue
yahī bahut hai tamāsha sā ik dikhā jā.ūñ
sharār ban ke ḳhas-o-ḳhār se guzarte hue
ḳharīdnā nahīñ kuchh maiñ ne bechnā hai 'zafar'
rukā huā huuñ jo bāzār se guzarte hue
سہولت آئے گی دشوار سے گزرتے ہوئے
میں در بناؤں گا دیوار سے گزرتے ہوئے
مجھے یقین نہیں آ رہا کہ یہ میں تھا
کھڑا ہوں اپنے ہی آثار سے گزرتے ہوئے
زیادہ تر یہیں رہ جاؤں گا کہیں باقی
ابھی ترے گل و گلزار سے گزرتے ہوئے
عجائبات کی ہوتی ہے ایک دہشت بھی
میں ڈر گیا ترے اسرار سے گزرتے ہوئے
یہ وہ سفر ہے کہ جس نے تھکا دیا ہے بہت
پڑا ہوں خواب گراں بار سے گزرتے ہوئے
یہی بہت ہے تماشہ سا اک دکھا جاؤں
شرار بن کے خس و خار سے گزرتے ہوئے
خریدنا نہیں کچھ میں نے بیچنا ہے ظفرؔ
رکا ہوا ہوں جو بازار سے گزرتے ہوئے