सोज़-ओ-गुदाज़-ए-इश्क़ का लज़्ज़त-चशीदा हूँ
मानिंद-ए-आबला हमा-तन आबदीदा हूँ
गर तू न हो तो फिर किसी काफ़िर का दिल लगे
दोज़ख़ में आरमीदा इरम से रमीदा हूँ
अल्लाह रे कशाकश-ए-दैर-ओ-हरम कि मैं
ज़ालिम हज़ार हाथ से दामन-दरीदा हूँ
परवाना पास शम्अ' के बुलबुल है गुल के पास
इक मैं कि तेरी बज़्म में ख़ल्वत-गज़ीदा हूँ
उफ़्तादगी पे भी न गई उस की जुस्तुजू
गोया ज़मीं पे साया-ए-मुर्ग़-ए-परीदा हूँ
ऐ आरज़ू-ए-ताज़ा न कर मुझ से छेड़-छाड़
मैं पा-ए-शौक़-ओ-दस्त-ए-तमन्ना-बुरीदा हूँ
ऐ 'दाग़' जिस के वास्ते रोज़-ए-जज़ा बना
वो कौन है वो मैं ही तो आफ़त-रसीदा हूँ
soz-o-gudāz-e-ishq kā lazzat-chashīda huuñ
mānind-e-ābla hama-tan ābdīda huuñ
gar tū na ho to phir kisī kāfir kā dil lage
dozaḳh meñ ārmīda iram se ramīda huuñ
allāh re kashākash-e-dair-o-haram ki maiñ
zālim hazār haath se dāman-darīda huuñ
parvāna paas sham.a ke bulbul hai gul ke paas
ik maiñ ki terī bazm meñ ḳhalvat-gazīda huuñ
uftādgī pe bhī na ga.ī us kī justujū
goyā zamīñ pe sāya-e-murġh-e-parīda huuñ
ai ārzū-e-tāza na kar mujh se chheḌ-chhāḌ
maiñ pā-e-shauq-o-dast-e-tamannā-burīda huuñ
ai 'dāġh' jis ke vāste roz-e-jazā banā
vo kaun hai vo maiñ hī to āfat-rasīda huuñ
سوز و گداز عشق کا لذت چشیدہ ہوں
مانند آبلہ ہمہ تن آب دیدہ ہوں
گر تو نہ ہو تو پھر کسی کافر کا دل لگے
دوزخ میں آرمیدہ ارم سے رمیدہ ہوں
اللہ ر کشاکش دیر و حرم کہ میں
ظالم ہزار ہاتھ سے دامن دریدہ ہوں
پروانہ پاس شمع کے بلبل ہے گل کے پاس
اک میں کہ تیری بزم میں خلوت گزیدہ ہوں
افتادگی پہ بھی نہ گئی اس کی جستجو
گویا زمیں پہ سایۂ مرغ پریدہ ہوں
اے آرزوئے تازہ نہ کر مجھ سے چھیڑ چھاڑ
میں پائے شوق و دست تمنا بریدہ ہوں
اے داغؔ جس کے واسطے روز جزا بنا
وہ کون ہے وہ میں ہی تو آفت رسیدہ ہوں