सोचता हूँ कि अपनी रज़ा के लिए छोड़ दूँ
वो जो कहता है उस को ख़ुदा के लिए छोड़ दूँ
चूमने के लिए थाम रख्खूँ कोई दम वो हाथ
और वो पाँव रंग-ए-हिना के लिए छोड़ दूँ
शहर को सारे लोगों में तक़्सीम कर दूँ मगर
चंद गलियाँ मैं अपनी सदा के लिए छोड़ दूँ
ख़्वाहिशें तंग हैं दिल के अंदर अगर तुम कहो
ये कबूतर तुम्हारी फ़ज़ा के लिए छोड़ दूँ
कार-ए-मुश्किल तो है ही मगर मैं भी मजबूर हूँ
इब्तिदा को अगर इंतिहा के लिए छोड़ दूँ
मेरा हरगिज़ भी कोई भरोसा नहीं है अगर
मैं रवा को यहाँ ना-रवा के लिए छोड़ दूँ
ये भी मुमकिन है ख़ुद से किसी दिन गुज़रते हुए
अपने टुकड़े कहीं जा-ब-जा के लिए छोड़ दूँ
अब ये सोचा है मुट्ठी में उम्र-ए-बक़ाया मिरी
जो भी है एक देर-आश्ना के लिए छोड़ दूँ
ख़ुद से बाहर निकल जाऊँ मैं और ख़ुद को 'ज़फ़र'
कोई दिन जंगलों की हवा के लिए छोड़ दूँ
sochtā huuñ ki apnī razā ke liye chhoḌ duuñ
vo jo kahtā hai us ko ḳhudā ke liye chhoḌ duuñ
chūmne ke liye thaam rakhkhūñ koī dam vo haath
aur vo paañv rañg-e-hinā ke liye chhoḌ duuñ
shahr ko saare logoñ meñ taqsīm kar duuñ magar
chand galiyāñ maiñ apnī sadā ke liye chhoḌ duuñ
ḳhvāhisheñ tañg haiñ dil ke andar agar tum kaho
ye kabūtar tumhārī fazā ke liye chhoḌ duuñ
kār-e-mushkil to hai hī magar maiñ bhī majbūr huuñ
ibtidā ko agar intihā ke liye chhoḌ duuñ
merā hargiz bhī koī bharosā nahīñ hai agar
maiñ ravā ko yahāñ nā-ravā ke liye chhoḌ duuñ
ye bhī mumkin hai ḳhud se kisī din guzarte hue
apne TukḌe kahīñ jā-ba-jā ke liye chhoḌ duuñ
ab ye sochā hai muTThī meñ umr-e-baqāyā mirī
jo bhī hai ek der-āshnā ke liye chhoḌ duuñ
ḳhud se bāhar nikal jā.ūñ maiñ aur ḳhud ko 'zafar'
koī din jañgaloñ kī havā ke liye chhoḌ duuñ
سوچتا ہوں کہ اپنی رضا کے لیے چھوڑ دوں
وہ جو کہتا ہے اس کو خدا کے لیے چھوڑ دوں
چومنے کے لیے تھام رکھوں کوئی دم وہ ہاتھ
اور وہ پانوں رنگ حنا کے لیے چھوڑ دوں
شہر کو سارے لوگوں میں تقسیم کر دوں مگر
چند گلیاں میں اپنی صدا کے لیے چھوڑ دوں
خواہشیں تنگ ہیں دل کے اندر اگر تم کہو
یہ کبوتر تمہاری فضا کے لیے چھوڑ دوں
کار مشکل تو ہے ہی مگر میں بھی مجبور ہوں
ابتدا کو اگر انتہا کے لیے چھوڑ دوں
میرا ہرگز بھی کوئی بھروسا نہیں ہے اگر
میں روا کو یہاں ناروا کے لیے چھوڑ دوں
یہ بھی ممکن ہے خود سے کسی دن گزرتے ہوئے
اپنے ٹکڑے کہیں جا بجا کے لیے چھوڑ دوں
اب یہ سوچا ہے مٹھی میں عمر بقایا مری
جو بھی ہے ایک دیر آشنا کے لیے چھوڑ دوں
خود سے باہر نکل جاؤں میں اور خود کو ظفرؔ
کوئی دن جنگلوں کی ہوا کے لیے چھوڑ دوں