सो ये न हो कि फ़लक से जुदा ही रह जाए
हमारा ख़्वाब यहाँ पर पड़ा ही रह जाए
यही बहुत है कि आख़िर हमारे खाने को
तुम्हारे शह्र में ख़ाली हवा ही रह जाए
मिरा क़ुसूर नहीं है कि एक बार कोई
जो देख ले तो तुझे देखता ही रह जाए
'अजीब सूरत-ए-हालात हो अगर किसी दिन
ज़मीं पे ख़ल्क़ न हो और ख़ुदा ही रह जाए
ये ज़ोर है तो कहीं टूट ही न जाए कभी
ये ज़ख़्म है तो कोई दिन हरा ही रह जाए
हमें भी अब कोई परवा नहीं है बे-शक वो
लगा हुआ है जहाँ पर लगा ही रह जाए
अगरचे मैं न रहूँगा मगर ये मुमकिन है
किसी गली में ये मेरी सदा ही रह जाए
कोई निशाँ तो रहे सामने हमारे 'ज़फ़र'
कि मंज़िलें न सही रास्ता ही रह जाए
so ye na ho ki falak se judā hī rah jaa.e
hamārā ḳhvāb yahāñ par paḌā hī rah jaa.e
yahī bahut hai ki āḳhir hamāre khāne ko
tumhāre shahr meñ ḳhālī havā hī rah jaa.e
mirā qusūr nahīñ hai ki ek baar koī
jo dekh le to tujhe dekhtā hī rah jaa.e
'ajīb sūrat-e-hālāt ho agar kisī din
zamīñ pe ḳhalq na ho aur ḳhudā hī rah jaa.e
ye zor hai to kahīñ Tuut hī na jaa.e kabhī
ye zaḳhm hai to koī din harā hī rah jaa.e
hameñ bhī ab koī parvā nahīñ hai be-shak vo
lagā huā hai jahāñ par lagā hī rah jaa.e
agarche maiñ na rahūñgā magar ye mumkin hai
kisī galī meñ ye merī sadā hī rah jaa.e
koī nishāñ to rahe sāmne hamāre 'zafar'
ki manzileñ na sahī rāsta hī rah jaa.e
سو یہ نہ ہو کہ فلک سے جدا ہی رہ جائے
ہمارا خواب یہاں پر پڑا ہی رہ جائے
یہی بہت ہے کہ آخر ہمارے کھانے کو
تمھارے شہر میں خالی ہوا ہی رہ جائے
مرا قصور نہیں ہے کہ ایک بار کوئی
جو دیکھ لے تو تجھے دیکھتا ہی رہ جائے
عجیب صورت حالات ہو اگر کسی دن
زمیں پہ خلق نہ ہو اور خدا ہی رہ جائے
یہ زور ہے تو کہیں ٹوٹ ہی نہ جائے کبھی
یہ زخم ہے تو کوئی دن ہرا ہی رہ جائے
ہمیں بھی اب کوئی پروا نہیں ہے بے شک وہ
لگا ہوا ہے جہاں پر لگا ہی رہ جائے
اگرچہ میں نہ رہوں گا مگر یہ ممکن ہے
کسی گلی میں یہ میری صدا ہی رہ جائے
کوئی نشاں تو رہے سامنے ہمارے ظفرؔ
کہ منزلیں نہ سہی راستہ ہی رہ جائے