सितम है मुब्तला-ए-इश्क़ हो जाना जवाँ हो कर
हमारे बाग़-ए-हस्ती में बहार आई ख़िज़ाँ हो कर
जवानी की दुआएँ माँगी जाती थीं लड़कपन में
लड़कपन के मज़े अब याद आते हैं जवाँ हो कर
ख़ुदा रक्खे दिल-ए-मायूस में उम्मीद बाक़ी है
यही गुल है जो बू देता है पामाल-ए-ख़िज़ाँ हो कर
मुझे शबनम बना रक्खा है इन ख़ुर्शीद-रूयों ने
रुलाते हैं निहाँ हो कर मिटाते हैं अयाँ हो कर
हमीं वो थे कि होती थी बसर फूलों के ग़ुंचे में
हमीं अब ऐ फ़लक तिनके चुनें बे-आशियाँ हो कर
दर-ए-जानाँ के आगे कब तहय्युर बढ़ने देता है
जो आता है वो रह जाता है संग-ए-आस्ताँ हो कर
निहाल-ए-शम्अ में क्या ख़ुशनुमा इक फूल आया था
सितम ढाया नसीम-ए-सुब्ह ने बाद-ए-ख़िज़ाँ हो कर
तक़ाज़ा सिन का भी अल्लाह क्या शय है कि यूसुफ़ से
ज़ुलेख़ा नाज़ करती है नए सर से जवाँ हो कर
'जलील' आख़िर जो की है शायरी कुछ काम भी निकले
किसी बुत को मुसख़्ख़र कीजिए मोजिज़-बयाँ हो कर
sitam hai mubtalā-e-ishq ho jaanā javāñ ho kar
hamāre bāġh-e-hastī meñ bahār aa.ī ḳhizāñ ho kar
javānī kī duā.eñ māñgī jaatī thiiñ laḌakpan meñ
laḌakpan ke maze ab yaad aate haiñ javāñ ho kar
ḳhudā rakkhe dil-e-māyūs meñ ummīd baaqī hai
yahī gul hai jo bū detā hai pāmāl-e-ḳhizāñ ho kar
mujhe shabnam banā rakkhā hai in ḳhurshīd-rūoñ ne
rulāte haiñ nihāñ ho kar miTāte haiñ ayaañ ho kar
hamīñ vo the ki hotī thī basar phūloñ ke ġhunche meñ
hamīñ ab ai falak tinke chuneñ be-āshiyāñ ho kar
dar-e-jānāñ ke aage kab tahayyur baḌhne detā hai
jo aatā hai vo rah jaatā hai sañg-e-āstāñ ho kar
nihāl-e-sham.a meñ kyā ḳhushnumā ik phuul aayā thā
sitam Dhāyā nasīm-e-sub.h ne bād-e-ḳhizāñ ho kar
taqāzā sin kā bhī allāh kyā shai hai ki yūsuf se
zuleḳhā naaz kartī hai na.e sar se javāñ ho kar
'jalīl' āḳhir jo kī hai shā.erī kuchh kaam bhī nikle
kisī but ko musaḳhḳhar kījiye mojiz-bayāñ ho kar
ستم ہے مبتلائے عشق ہو جانا جواں ہو کر
ہمارے باغ ہستی میں بہار آئی خزاں ہو کر
جوانی کی دعائیں مانگی جاتی تھیں لڑکپن میں
لڑکپن کے مزے اب یاد آتے ہیں جواں ہو کر
خدا رکھے دل مایوس میں امید باقی ہے
یہی گل ہے جو بو دیتا ہے پامال خزاں ہو کر
مجھے شبنم بنا رکھا ہے ان خورشید رویوں نے
رلاتے ہیں نہاں ہو کر مٹاتے ہیں عیاں ہو کر
ہمیں وہ تھے کہ ہوتی تھی بسر پھولوں کے غنچے میں
ہمیں اب اے فلک تنکے چنیں بے آشیاں ہو کر
در جاناں کے آگے کب تحیر بڑھنے دیتا ہے
جو آتا ہے وہ رہ جاتا ہے سنگ آستاں ہو کر
نہال شمع میں کیا خوشنما اک پھول آیا تھا
ستم ڈھایا نسیم صبح نے باد خزاں ہو کر
تقاضا سن کا بھی اللہ کیا شے ہے کہ یوسف سے
زلیخا ناز کرتی ہے نئے سر سے جواں ہو کر
جلیلؔ آخر جو کی ہے شاعری کچھ کام بھی نکلے
کسی بت کو مسخر کیجیے معجز بیاں ہو کر