सिर्फ़ आँखें थीं अभी उन में इशारे नहीं थे
दिल पे मौसम ये मोहब्बत ने उतारे नहीं थे
जैसी रातों में सफ़र हम ने किया था आग़ाज़
सर-ब-सर सम्तें ही सम्तें थीं सितारे नहीं थे
अब तो हर शख़्स की ख़ातिर हुई मतलूब हमें
हम किसी के भी नहीं थे जो तुम्हारे नहीं थे
जब हमें कोई तवक़्क़ो ही नहीं थी तुम से
ऐसे उस वक़्त भी हालात हमारे नहीं थे
मोहलत-ए-उम्र में रहने दिए उस ने शामिल
जो शब ओ रोज़ कभी हम ने गुज़ारे नहीं थे
जब नज़ारे थे तो आँखों को नहीं थी परवा
अब इन्ही आँखों ने चाहा तो नज़ारे नहीं थे
डूब ही जाना मुक़द्दर था हमारा कि वहाँ
जिस तरफ़ देखिए पानी था किनारे नहीं थे
क्यूँ नहीं इश्क़ भला हर-कस-ओ-ना-कस का शिआर
इस तिजारत में अगर इतने ख़सारे नहीं थे
ठीक है कोई मदद को नहीं पहुँचा लेकिन
ये भी सच है कि 'ज़फ़र' हम भी पुकारे नहीं थे
sirf āñkheñ thiiñ abhī un meñ ishāre nahīñ the
dil pe mausam ye mohabbat ne utāre nahīñ the
jaisī rātoñ meñ safar ham ne kiyā thā āġhāz
sar-ba-sar samteñ hī samteñ thiiñ sitāre nahīñ the
ab to har shaḳhs kī ḳhātir huī matlūb hameñ
ham kisī ke bhī nahīñ the jo tumhāre nahīñ the
jab hameñ koī tavaqqo hī nahīñ thī tum se
aise us vaqt bhī hālāt hamāre nahīñ the
mohlat-e-umr meñ rahne diye us ne shāmil
jo shab o roz kabhī ham ne guzāre nahīñ the
jab nazāre the to āñkhoñ ko nahīñ thī parvā
ab inhī āñkhoñ ne chāhā to nazāre nahīñ the
Duub hī jaanā muqaddar thā hamārā ki vahāñ
jis taraf dekhiye paanī thā kināre nahīñ the
kyuuñ nahīñ ishq bhalā har-kas-o-nā-kas kā shi.ār
is tijārat meñ agar itne ḳhasāre nahīñ the
Thiik hai koī madad ko nahīñ pahuñchā lekin
ye bhī sach hai ki 'zafar' ham bhī pukāre nahīñ the
صرف آنکھیں تھیں ابھی ان میں اشارے نہیں تھے
دل پہ موسم یہ محبت نے اتارے نہیں تھے
جیسی راتوں میں سفر ہم نے کیا تھا آغاز
سر بسر سمتیں ہی سمتیں تھیں ستارے نہیں تھے
اب تو ہر شخص کی خاطر ہوئی مطلوب ہمیں
ہم کسی کے بھی نہیں تھے جو تمہارے نہیں تھے
جب ہمیں کوئی توقع ہی نہیں تھی تم سے
ایسے اس وقت بھی حالات ہمارے نہیں تھے
مہلت عمر میں رہنے دیے اس نے شامل
جو شب و روز کبھی ہم نے گزارے نہیں تھے
جب نظارے تھے تو آنکھوں کو نہیں تھی پروا
اب انہی آنکھوں نے چاہا تو نظارے نہیں تھے
ڈوب ہی جانا مقدر تھا ہمارا کہ وہاں
جس طرف دیکھیے پانی تھا کنارے نہیں تھے
کیوں نہیں عشق بھلا ہر کس و نا کس کا شعار
اس تجارت میں اگر اتنے خسارے نہیں تھے
ٹھیک ہے کوئی مدد کو نہیں پہنچا لیکن
یہ بھی سچ ہے کہ ظفرؔ ہم بھی پکارے نہیں تھے