सिलसिला छिड़ गया जब 'यास' के अफ़्साने का
शम्अ' गुल हो गई दिल बुझ गया परवाने का
इश्क़ से दिल को मिला आइना-ख़ाने का शरफ़
जगमगा उट्ठा कँवल अपने सियह-ख़ाने का
ख़ल्वत-ए-नाज़ कुजा और कुजा अहल-ए-हवस
ज़ोर क्या चल सके फ़ानूस से परवाने का
लाश कम-बख़्त की का'बे में कोई फिकवा दे
कूचा-ए-यार में क्यूँ ढेर हो परवाने का
वाए हसरत कि तअ'ल्लुक़ न हुआ दिल को कहीं
न तो का'बे का हुआ मैं न सनम-ख़ाने का
तिश्ना-लब साथ चले शौक़ में साए की तरह
रुख़ किया अब्र-ए-बहारी ने जो मय-ख़ाने का
वाह किस नाज़ से आता है तिरा दौर-ए-शबाब
जिस तरह दौर चले बज़्म में पैमाने का
अहल-ए-दिल मस्त हुए फैल गई बू-ए-वफ़ा
पैरहन चाक हुआ जब तिरे दीवाने का
सर-ए-शोरीदा कुजा इश्क़ की बेगार कुजा
मगर अल्लाह रे दिल आप के दीवाने का
देख कर आइने में चाक-ए-गरेबाँ की बहार
और बिगड़ा है मिज़ाज आप के दीवाने का
क्या अजब है जो हसीनों की नज़र लग जाए
ख़ून हल्का है बहुत आप के दीवाने का
आप अब शम-ए-सहर बढ़ के गले मिलती है
बख़्त जागा है बड़ी देर में परवाने का
दिल-ए-बे-हौसला तकता है ख़रीदार की राह
कोई गाहक नहीं टूटे हुए पैमाने का
बज़्म में सुब्ह हुई छा गया इक सन्नाटा
सिलसिला छिड़ गया जब आप के अफ़्साने का
silsila chhiḌ gayā jab 'yās' ke afsāne kā
sham.a gul ho ga.ī dil bujh gayā parvāne kā
ishq se dil ko milā ā.ina-ḳhāne kā sharaf
jagmagā uTThā kañval apne siyah-ḳhāne kā
ḳhalvat-e-nāz kujā aur kujā ahl-e-havas
zor kyā chal sake fānūs se parvāne kā
laash kam-baḳht kī ka.abe meñ koī phikvā de
kūcha-e-yār meñ kyuuñ Dher ho parvāne kā
vaa.e hasrat ki ta.alluq na huā dil ko kahīñ
na to ka.abe kā huā maiñ na sanam-ḳhāne kā
tishna-lab saath chale shauq meñ saa.e kī tarah
ruḳh kiyā abr-e-bahārī ne jo mai-ḳhāne kā
vaah kis naaz se aatā hai tirā daur-e-shabāb
jis tarah daur chale bazm meñ paimāne kā
ahl-e-dil mast hue phail ga.ī bū-e-vafā
pairahan chaak huā jab tire dīvāne kā
sar-e-shorīda kujā ishq kī begār kujā
magar allāh re dil aap ke dīvāne kā
dekh kar aa.ine meñ chāk-e-garebāñ kī bahār
aur bigḌā hai mizāj aap ke dīvāne kā
kyā ajab hai jo hasīnoñ kī nazar lag jaa.e
ḳhuun halkā hai bahut aap ke dīvāne kā
aap ab sham-e-sahar baḌh ke gale miltī hai
baḳht jaagā hai baḌī der meñ parvāne kā
dil-e-be-hausla taktā hai ḳharīdār kī raah
koī gāhak nahīñ TuuTe hue paimāne kā
bazm meñ sub.h huī chhā gayā ik sannāTā
silsila chhiḌ gayā jab aap ke afsāne kā
سلسلہ چھڑ گیا جب یاسؔ کے افسانے کا
شمع گل ہو گئی دل بجھ گیا پروانے کا
عشق سے دل کو ملا آئنہ خانے کا شرف
جگمگا اٹھا کنول اپنے سیہ خانے کا
خلوت ناز کجا اور کجا اہل ہوس
زور کیا چل سکے فانوس سے پروانے کا
لاش کم بخت کی کعبے میں کوئی پھکوا دے
کوچۂ یار میں کیوں ڈھیر ہو پروانے کا
وائے حسرت کہ تعلق نہ ہوا دل کو کہیں
نہ تو کعبے کا ہوا میں نہ صنم خانے کا
تشنہ لب ساتھ چلے شوق میں سائے کی طرح
رخ کیا ابر بہاری نے جو مے خانے کا
واہ کس ناز سے آتا ہے ترا دور شباب
جس طرح دور چلے بزم میں پیمانے کا
اہل دل مست ہوئے پھیل گئی بوئے وفا
پیرہن چاک ہوا جب ترے دیوانے کا
سر شوریدہ کجا عشق کی بیگار کجا
مگر اللہ رے دل آپ کے دیوانے کا
دیکھ کر آئنے میں چاک گریباں کی بہار
اور بگڑا ہے مزاج آپ کے دیوانے کا
کیا عجب ہے جو حسینوں کی نظر لگ جائے
خون ہلکا ہے بہت آپ کے دیوانے کا
آپ اب شمع سحر بڑھ کے گلے ملتی ہے
بخت جاگا ہے بڑی دیر میں پروانے کا
دل بے حوصلہ تکتا ہے خریدار کی راہ
کوئی گاہک نہیں ٹوٹے ہوئے پیمانے کا
بزم میں صبح ہوئی چھا گیا اک سناٹا
سلسلہ چھڑ گیا جب آپ کے افسانے کا