शोहरा-ए-आफ़ाक़ मुझ सा कौन सा दीवाना है
हिन्द में मैं हूँ परिस्ताँ में मिरा अफ़्साना है
सैद-गाह-ए-मुर्ग़-ए-दिल रुख़्सारा-ए-जानाना है
दाम-ए-ज़ुल्फ़-ए-अम्बरीं है ख़ाल-ए-मुश्कीं दाना है
हुस्न से रुत्बा है अपने इश्क़-ए-कामिल का बुलंद
आस्ताना पर परी है बाम पर दीवाना है
इस में रहता है सफ़ा-ए-रू-ए-जानाँ का ख़याल
दिल नहीं पहलू में अपने आईना का ख़ाना है
बेचता हूँ दिल को जो महबूब चाहे मोल ले
बोसा क़ीमत है तवज्जोह की नज़र बैआना है
फूटें वो आँखें निगाह-ए-बद से जो देखें तुझे
आतिशीं रुख़्सार मिजमर ख़ाल काला दाना है
रोज़-ओ-शब उस शम्अ-रू को भेजता हूँ ख़त्त-ए-शौक़
नामा-बर दिन को कबूतर रात को परवाना है
ख़ार ख़ार-ए-दिल ग़नीमत जानता हूँ इश्क़ में
ज़ुल्फ़-ए-दूद-ए-आह की आरास्तगी काशाना है
शरह लिक्खा चाहिए उस की बयाज़-ए-सुब्ह पर
मतला-ए-ख़ुर्शीद बैत-ए-अबरू-ए-जानाना है
हालत-ए-आईना रखता है सफ़ा से दिल मिरा
आश्ना से आश्ना बेगाना से बेगाना है
क़त्ल से मुझ सख़्त-जाँ के मुंकिर ऐ क़ातिल न हो
हुज्जत-ए-क़ाते तिरी तलवार का दन्दाना है
वास्ते हर शय के दुनिया में मुक़र्रर हैं महल
शहर में जब तक है मजनूँ गंज-ए-बे-वीराना है
बाग़-ए-आलम में नहीं उस शोख़ सा कोई हसीं
गुल है अपना यार यूसुफ़ सब्ज़ा-ए-बेगाना है
अब नहीं ऐ यार जाैबन को तिरे बीम-ए-ज़वाल
ख़त्त-ए-मुश्कीं हुस्न की जागीर का परवाना है
हाल है जिस का उसी के वास्ते है ख़ुशनुमा
नक़्स है तलवार का वस्फ़ अर्रा का दन्दाना है
यार खींचे तेग़ तेरे क़त्ल करने के लिए
सर झुका 'आतिश' ये जा-ए-सज्दा-ए-शुकराना है
shohra-e-āfāq mujh sā kaun sā dīvāna hai
hind meñ maiñ huuñ paristāñ meñ mirā afsāna hai
said-gāh-e-murġh-e-dil ruḳhsāra-e-jānāna hai
dām-e-zulf-e-ambarīñ hai ḳhāl-e-mushkīñ daana hai
husn se rutba hai apne ishq-e-kāmil kā buland
āstāna par parī hai baam par dīvāna hai
is meñ rahtā hai safā-e-rū-e-jānāñ kā ḳhayāl
dil nahīñ pahlū meñ apne ā.īna kā ḳhāna hai
bechtā huuñ dil ko jo mahbūb chāhe mol le
bosa qīmat hai tavajjoh kī nazar bai.āna hai
phūTeñ vo āñkheñ nigāh-e-bad se jo dekheñ tujhe
ātishīñ ruḳhsār mijmar ḳhaal kaalā daana hai
roz-o-shab us sham.a-rū ko bhejtā huuñ ḳhatt-e-shauq
nāma-bar din ko kabūtar raat ko parvāna hai
ḳhaar ḳhār-e-dil ġhanīmat jāntā huuñ ishq meñ
zulf-e-dūd-e-āh kī ārastagī kāshāna hai
sharh likkhā chāhiye us kī bayāz-e-sub.h par
matla-e-ḳhurshīd bait-e-abrū-e-jānāna hai
hālat-e-ā.īna rakhtā hai safā se dil mirā
āshnā se āshnā begāna se begāna hai
qatl se mujh saḳht-jāñ ke munkir ai qātil na ho
hujjat-e-qāte tirī talvār kā dandāna hai
vāste har shai ke duniyā meñ muqarrar haiñ mahal
shahr meñ jab tak hai majnūñ ganj-e-be-vīrānā hai
bāġh-e-ālam meñ nahīñ us shoḳh sā koī hasīñ
gul hai apnā yaar yūsuf sabza-e-begāna hai
ab nahīñ ai yaar jauban ko tire bīm-e-zavāl
ḳhatt-e-mushkīñ husn kī jāgīr kā parvāna hai
haal hai jis kā usī ke vāste hai ḳhushnumā
naqs hai talvār kā vasf arrā kā dandāna hai
yaar khīñche teġh tere qatl karne ke liye
sar jhukā 'ātish' ye jā-e-sajda-e-shukrāna hai
شہرۂ آفاق مجھ سا کون سا دیوانہ ہے
ہند میں میں ہوں پرستاں میں مرا افسانہ ہے
صید گاہ مرغ دل رخسارۂ جانانہ ہے
دام زلف عنبریں ہے خال مشکیں دانہ ہے
حسن سے رتبہ ہے اپنے عشق کامل کا بلند
آستانہ پر پری ہے بام پر دیوانہ ہے
اس میں رہتا ہے صفائے روئے جاناں کا خیال
دل نہیں پہلو میں اپنے آئینہ کا خانہ ہے
بیچتا ہوں دل کو جو محبوب چاہے مول لے
بوسہ قیمت ہے توجہ کی نظر بیعانہ ہے
پھوٹیں وہ آنکھیں نگاہ بد سے جو دیکھیں تجھے
آتشیں رخسار مجمر خال کالا دانہ ہے
روز و شب اس شمع رو کو بھیجتا ہوں خط شوق
نامہ بر دن کو کبوتر رات کو پروانہ ہے
خار خار دل غنیمت جانتا ہوں عشق میں
زلف دود آہ کی آراستگی کاشانہ ہے
شرح لکھا چاہئے اس کی بیاض صبح پر
مطلع خورشید بیت ابرو جانانہ ہے
حالت آئینہ رکھتا ہے صفا سے دل مرا
آشنا سے آشنا بیگانہ سے بیگانہ ہے
قتل سے مجھ سخت جاں کے منکر اے قاتل نہ ہو
حجت قاطع تری تلوار کا دندانہ ہے
واسطے ہر شے کے دنیا میں مقرر ہیں محل
شہر میں جب تک ہے مجنوں گنج بے ویرانہ ہے
باغ عالم میں نہیں اس شوخ سا کوئی حسیں
گل ہے اپنا یار یوسف سبزۂ بیگانہ ہے
اب نہیں اے یار جوبن کو ترے بیم زوال
خط مشکیں حسن کی جاگیر کا پروانہ ہے
حال ہے جس کا اسی کے واسطے ہے خوش نما
نقص ہے تلوار کا وصف ارہ کا دندانہ ہے
یار کھینچے تیغ تیرے قتل کرنے کے لیے
سر جھکا آتشؔ یہ جائے سجدۂ شکرانہ ہے