शोलों से मोहब्बत की मिरी जाँ में लगी आग
फिर जाँ से भड़क जिस्म के मैदाँ में लगी आग
ये आतिश-ए-ग़म है कि दम-ए-सर्द से अपने
सर-चश्मा-ए-ख़ुर्शीद-ए-दरख़्शाँ में लगी आग
उस हूर के कूचे में भरे हम जो दम-ए-गर्म
मर्दुम ने कहा रौज़ा-ए-रिज़वाँ में लगी आग
ख़ंदाँ जो हुआ यार हमें देख के गिर्यां
लोगों ने कहा बर्क़ से बाराँ में लगी आग
इन रोज़ों में है रंग जो अश्कों का गुलाबी
शायद कि मिरे दीदा-ए-गिर्यां में लगी आग
गर्मी से नगर के तिरे गुन आब हुआ देख
बुलबुल ने पुकारा कि गुलिस्ताँ में लगी आग
नारी हैं जो परियाँ ये सबब है कि तुम्हारे
नूर-ए-रुख़-ए-रौशन से परिस्ताँ में लगी आग
उस आतिशीं-रू को ब-लब-ए-बाम जो देखा
आलम ने कहा गुम्बद-ए-गर्दां में लगी आग
दरिया में वो धोया था कभी दस्त-ए-हिनाई
हसरत से वहीं पंजा-ए-मर्जां में लगी आग
ग़ैरों की तरफ़ जो नज़र-ए-मेहर से देखा
ग़ैरत से मिरे सीना-ए-सोज़ाँ में लगी आग
क्यूँ कोहकन-ओ-क़ैस रहें मुझ से न नालाँ
नालों से मिरे कोह-ओ-बयाबाँ में लगी आग
वो सोख़्ता-दिल हूँ मैं पस-अज़-मर्ग जो गुज़रा
मरक़द से मिरे यार के दामाँ में लगी आग
'मातम' है किसी सोख़्ता-दिल का असर-ए-आह
बे-वज्ह नहीं कूचा-ए-जानाँ में लगी आग
sho.aloñ se mohabbat kī mirī jaañ meñ lagī aag
phir jaañ se bhaḌak jism ke maidāñ meñ lagī aag
ye ātish-e-ġham hai ki dam-e-sard se apne
sar-chashma-e-ḳhurshīd-e-daraḳhshāñ meñ lagī aag
us huur ke kūche meñ bhare ham jo dam-e-garm
mardum ne kahā rauza-e-rizvāñ meñ lagī aag
ḳhandāñ jo huā yaar hameñ dekh ke giryāñ
logoñ ne kahā barq se bārāñ meñ lagī aag
in rozoñ meñ hai rañg jo ashkoñ kā gulābī
shāyad ki mire dīda-e-giryāñ meñ lagī aag
garmī se nagar ke tire gun aab huā dekh
bulbul ne pukārā ki gulistāñ meñ lagī aag
naarī haiñ jo pariyāñ ye sabab hai ki tumhāre
nūr-e-ruḳh-e-raushan se paristāñ meñ lagī aag
us ātishīñ-rū ko ba-lab-e-bām jo dekhā
aalam ne kahā gumbad-e-gardāñ meñ lagī aag
dariyā meñ vo dhoyā thā kabhī dast-e-hinā.ī
hasrat se vahīñ panja-e-marjāñ meñ lagī aag
ġhairoñ kī taraf jo nazar-e-mehr se dekhā
ġhairat se mire sīna-e-sozāñ meñ lagī aag
kyuuñ kohkan-o-qais raheñ mujh se na nālāñ
nāloñ se mire koh-o-bayābāñ meñ lagī aag
vo soḳhta-dil huuñ maiñ pas-az-marg jo guzrā
marqad se mire yaar ke dāmāñ meñ lagī aag
'mātam' hai kisī soḳhta-dil kā asar-e-āh
be-vaj.h nahīñ kūcha-e-jānāñ meñ lagī aag
شعلوں سے محبت کی مری جاں میں لگی آگ
پھر جاں سے بھڑک جسم کے میداں میں لگی آگ
یہ آتش غم ہے کہ دم سرد سے اپنے
سرچشمۂ خورشید درخشاں میں لگی آگ
اس حور کے کوچے میں بھرے ہم جو دم گرم
مردم نے کہا روضۂ رضواں میں لگی آگ
خنداں جو ہوا یار ہمیں دیکھ کے گریاں
لوگوں نے کہا برق سے باراں میں لگی آگ
ان روزوں میں ہے رنگ جو اشکوں کا گلابی
شاید کہ مرے دیدۂ گریاں میں لگی آگ
گرمی سے نگر کے ترے گن آب ہوا دیکھ
بلبل نے پکارا کہ گلستاں میں لگی آگ
ناری ہیں جو پریاں یہ سبب ہے کہ تمہارے
نور رخ روشن سے پرستاں میں لگی آگ
اس آتشیں رو کو بہ لب بام جو دیکھا
عالم نے کہا گنبد گرداں میں لگی آگ
دریا میں وہ دھویا تھا کبھی دست حنائی
حسرت سے وہیں پنجۂ مرجاں میں لگی آگ
غیروں کی طرف جو نظر مہر سے دیکھا
غیرت سے مرے سینۂ سوزاں میں لگی آگ
کیوں کوہ کن و قیس رہیں مجھ سے نہ نالاں
نالوں سے مرے کوہ و بیاباں میں لگی آگ
وہ سوختہ دل ہوں میں پس از مرگ جو گزرا
مرقد سے مرے یار کے داماں میں لگی آگ
ماتمؔ ہے کسی سوختہ دل کا اثر آہ
بے وجہ نہیں کوچۂ جاناں میں لگی آگ