'आशिक़ है जो तुम्हारे रुख़-ए-सुर्ख़-रंग का
रहता है उस को नश्शा शराब-ए-फ़रंग का
कहते हैं लोग देख तेरे रुख़ पे ख़ाल को
क्या हुक्म रोम में है सिपहदार ज़ंग का
ऐ रश्क-ए-हूर वुसअत-ए-जन्नत में भी मुझे
तुझ बिन है बे-गुमान यक़ीं गोर-ए-तंग का
जब से पतंग हूँ मैं तिरे शम'-रू का यार
मा'लूम था न तुझ को उड़ाना पतंग का
ख़ौफ़-ए-ख़ुदा न होता तो रखता मैं ऐ सनम
'अर्श-ए-'अज़ीम नाम तुम्हारे पलंग का
ऐ सब्ज़-रंग मस्त-ए-मय-ए-इश्क़-ओ-हुस्न तो
अफ़यूँ को पूछते नहीं क्या ज़िक्र भंग का
ख़ाल-ए-रुख़-ए-निगार हैं चेहरे ख़याल में
बीनी दिखाई दे है दोनाली तुफ़ंग का
मातम मिरा है यार सिवा हम को बज़्म-ए-नूर
साैत-ए-बुका से कम नहीं आवाज़ चंग का
आतिश का शे'र पढ़ता हूँ अक्सर ब-हस्ब-ए-हाल
दिल सैद है वो बहर-ए-सुख़न के नहंग का
वो चश्म घात में दिल-ए-पुर-दाग़ के नहीं
आहू को है इरादा शिकार-ए-पलंग का
नामूस का तो फ़िक्र है 'मातम' 'अबस यहाँ
ये 'इश्क़ ख़स्म नाम का दुश्मन है नंग का
'āshiq hai jo tumhāre ruḳh-e-surḳh-rañg kā
rahtā hai us ko nashsha sharāb-e-farañg kā
kahte haiñ log dekh tere ruḳh pe ḳhaal ko
kyā hukm rome meñ hai sipahdār zang kā
ai rashk-e-hūr vus.at-e-jannat meñ bhī mujhe
tujh bin hai be-gumān yaqīñ gor-e-tañg kā
jab se patang huuñ maiñ tire sham'-rū kā yaar
mā'lūm thā na tujh ko uḌānā patang kā
ḳhauf-e-ḳhudā na hotā to rakhtā maiñ ai sanam
'arsh-e-'azīm naam tumhāre palañg kā
ai sabz-rañg mast-e-mai-e-ishq-o-husn to
afyūñ ko pūchhte nahīñ kyā zikr bhañg kā
ḳhāl-e-ruḳh-e-nigār haiñ chehre ḳhayāl meñ
biinī dikhā.ī de hai donālī tufañg kā
mātam mirā hai yaar sivā ham ko bazm-e-nūr
saut-e-bukā se kam nahīñ āvāz chañg kā
ātish kā she'r paḌhtā huuñ aksar ba-hasb-e-hāl
dil said hai vo bahr-e-suḳhan ke nahang kā
vo chashm ghaat meñ dil-e-pur-dāġh ke nahīñ
aahū ko hai irāda shikār-e-palañg kā
nāmūs kā to fikr hai 'mātam' 'abas yahāñ
ye 'ishq ḳhasm naam kā dushman hai nañg kā
عاشق ہے جو تمہارے رخ سرخ رنگ کا
رہتا ہے اس کو نشہ شراب فرنگ کا
کہتے ہیں لوگ دیکھ تیرے رخ پہ خال کو
کیا حکم روم میں ہے سپہدار زنگ کا
اے رشک حور وسعت جنت میں بھی مجھے
تجھ بن ہے بے گمان یقیں گور تنگ کا
جب سے پتنگ ہوں میں ترے شمع رو کا یار
معلوم تھا نہ تجھ کو اڑانا پتنگ کا
خوف خدا نہ ہوتا تو رکھتا میں اے صنم
عرش عظیم نام تمہارے پلنگ کا
اے سبز رنگ مست مئے عشق و حسن تو
افیوں کو پوچھتے نہیں کیا ذکر بھنگ کا
خال رخ نگار ہیں چہرے خیال میں
بینی دکھائی دے ہے دونالی تفنگ کا
ماتم مرا ہے یار سوا ہم کو بزم نور
صوت بکا سے کم نہیں آواز چنگ کا
آتش کا شعر پڑھتا ہوں اکثر بحسب حال
دل صید ہے وہ بحر سخن کے نہنگ کا
وہ چشم گھات میں دل پر داغ کے نہیں
آہو کو ہے ارادہ شکار پلنگ کا
ناموس کا تو فکر ہے ماتمؔ عبث یہاں
یہ عشق خصم نام کا دشمن ہے ننگ کا