बस तमन्ना है इश्क़-ए-मौला में
कि मरूँ मैं यही तमन्ना में
इश्क़-ए-ख़ूबाँ नहीं है ऐसी शय
बाँध कर रखिए जिस को पुड़िया में
रुख़-ए-अफ़्शाँ में तेरे आलम-ए-नूर
नम क़मर में है नम सुरय्या में
यद-ए-बैज़ा का है ख़याल आता
देख मेहंदी तिरे कफ़-ए-पा में
तेरे बीमार-ए-हिज्र ऐ महबूब
न तो मोती में हैं न अहया में
वहदहू-ला-शरीक-ला है तू
तुझ सा दुनिया में है न उक़्बा में
तुझ को क्यूँ कर कहें हम हरजाई
नूर तो जल्वा-गर है हर जा में
क्या कहूँ दिन को किस क़दर रोया
रात दिलबर को देख रूया में
इश्क़ लगते ही हो गया मालूम
हाल-ए-मज्नूँ इश्क़-ए-लैला में
मरज़-ए-इश्क़ हुस्न-ए-ख़ूबाँ का
मर्ग दरमाँ है नाम हुकमा में
हासिल-उल-अम्र हम हुए बदनाम
इश्क़ हुस्न-ए-बुतान-ए-ज़ेबा में
रुख़-ए-यूसुफ़ से रुख़ मुशाबह है
लब हैं मिलते लब-ए-मसीहा में
आब-ए-बाराँ से गिर न पाए मदद
ख़ाक पड़ जाए चश्म-ए-दरिया में
ये दुआ हक़ से है मिरा 'मातम'
दफ़्न हो कर्बला-मुअ'ल्ला में
bas tamannā hai ishq-e-maulā meñ
ki marūñ maiñ yahī tamannā meñ
ishq-e-ḳhūbāñ nahīñ hai aisī shai
bāñdh kar rakhiye jis ko puḌiyā meñ
ruḳh-e-afshāñ meñ tere ālam-e-nūr
nam qamar meñ hai nam surayyā meñ
yad-e-baizā kā hai ḳhayāl aatā
dekh mehñdī tire kaf-e-pā meñ
tere bīmār-e-hijr ai mahbūb
na to motī meñ haiñ na ahyā meñ
vahdahū-lā-sharīk-la hai tū
tujh sā duniyā meñ hai na uqbā meñ
tujh ko kyuuñ kar kaheñ ham harjā.ī
nuur to jalva-gar hai har jā meñ
kyā kahūñ din ko kis qadar royā
raat dilbar ko dekh ruuyā meñ
ishq lagte hī ho gayā ma.alūm
hāl-e-majnūñ ishq-e-lailā meñ
maraz-e-ishq husn-e-ḳhūbāñ kā
marg darmāñ hai naam hukamā meñ
hāsil-ul-amr ham hue badnām
ishq husn-e-butān-e-zebā meñ
ruḳh-e-yūsuf se ruḳh mushābah hai
lab haiñ milte lab-e-masīhā meñ
āb-e-bārāñ se gir na paa.e madad
ḳhaak paḌ jaa.e chashm-e-dariyā meñ
ye duā haq se hai mirā 'mātam'
dafn ho karbalā-muallā meñ
بس تمنا ہے عشق مولیٰ میں
کہ مروں میں یہی تمنا میں
عشق خوباں نہیں ہے ایسی شے
باندھ کر رکھئے جس کو پڑیا میں
رخ افشاں میں تیرے عالم نور
نم قمر میں ہے نم ثریا میں
ید بیضا کا ہے خیال آتا
دیکھ مہندی ترے کف پا میں
تیرے بیمار ہجر اے محبوب
نہ تو موتی میں ہیں نہ احیا میں
وحدہ لا شریک لہ ہے تو
تجھ سا دنیا میں ہے نہ عقبیٰ میں
تجھ کو کیوں کر کہیں ہم ہرجائی
نور تو جلوہ گر ہے ہر جا میں
کیا کہوں دن کو کس قدر رویا
رات دلبر کو دیکھ رویا میں
عشق لگتے ہی ہو گیا معلوم
حال مجنوں عشق لیلیٰ میں
مرض عشق حسن خوباں کا
مرگ درماں ہے نام حکما میں
حاصل الامر ہم ہوئے بدنام
عشق حسن بتان زیبا میں
رخ یوسف سے رخ مشابہ ہے
لب ہیں ملتے لب مسیحا میں
آب باراں سے گر نہ پائے مدد
خاک پڑ جائے چشم دریا میں
یہ دعا حق سے ہے مرا ماتمؔ
دفن ہو کربلائے معلیٰ میں