शिकवा-ए-दर्द-ए-जिगर ऐ मेहरबाँ क्यूँ कर करें
आप सुन क्यूँ कर सकें और हम बयाँ क्यूँ कर करें
अपनी बीती फिर सुनाएँगे कभी ऐ मेहरबाँ
शब की शब में ख़त्म सारी दास्ताँ क्यूँ कर करें
सैकड़ों ही फ़ित्ना-ए-ख़्वाबीदा जाग उट्ठेंगे फिर
नींद से चौंका के उन को सरगिराँ क्यूँ कर करें
फिर गया तलवार का मुँह थम गए बाज़ू-ए-दोस्त
क्यूँ अजल इस की तलाफ़ी सख़्त-जाँ क्यूँ कर करें
आती है पिछले पहर बस दिल धड़कने की सदा
राज़-दारान-ए-वफ़ा आह-ओ-फ़ुग़ाँ क्यूँ कर करें
फाँदना दीवार-ए-जन्नत का तो आसाँ है मगर
आप के दिल में जगह ऐ मेहरबाँ क्यूँ कर करें
इंक़िलाब-ए-दहर ने आँखों को अंधा कर दिया
आख़िर अब नज़्ज़ारा-ए-फ़स्ल-ए-ख़िज़ाँ क्यूँ कर करें
ना-तवानी का बुरा हो आह कर सकते नहीं
क्यूँ फ़लक अब जज़्ब-ए-दिल का इम्तिहाँ क्यूँ कर करें
इस तिलिस्म-ए-दहर में सर भी उठा सकते नहीं
कश्मकश में सैर-ए-नैरंग-ए-जहाँ क्यूँ कर करें
सर पटकते हैं अबस नक़्श-ए-क़दम पर देर से
आबला-पा जुस्तजू-ए-कारवाँ क्यूँ कर करें
होश में फिर कौन था जब दर्द का साग़र चला
आख़िर-ए-शब की वो कैफ़िय्यत बयाँ क्यूँ कर करें
हाथ फैलाया न जाएगा भरी महफ़िल में आज
सब्र की दौलत को साक़ी राएगाँ क्यूँ कर करें
झूम कर उठते हैं लेकिन फिर सँभल जाते हैं मस्त
सामना साक़ी का है गुस्ताख़ियाँ क्यूँ कर करें
फाड़े खाती है हमें ये मल्गजी पोशाक में
जामा-ए-तन की बताओ धज्जियाँ क्यूँ कर करें
shikva-e-dard-e-jigar ai mehrbāñ kyuuñ kar kareñ
aap sun kyuuñ kar sakeñ aur ham bayāñ kyuuñ kar kareñ
apnī biitī phir sunā.eñge kabhī ai mehrbāñ
shab kī shab meñ ḳhatm saarī dāstāñ kyuuñ kar kareñ
saikḌoñ hī fitna-e-ḳhvābīda jaag uTTheñge phir
niiñd se chauñkā ke un ko sargirāñ kyuuñ kar kareñ
phir gayā talvār kā muñh tham ga.e bāzū-e-dost
kyuuñ ajal is kī talāfī saḳht-jāñ kyuuñ kar kareñ
aatī hai pichhle pahar bas dil dhaḌakne kī sadā
rāz-dārān-e-vafā āh-o-fuġhāñ kyuuñ kar kareñ
phāñdnā dīvār-e-jannat kā to āsāñ hai magar
aap ke dil meñ jagah ai mehrbāñ kyuuñ kar kareñ
inqilāb-e-dahr ne āñkhoñ ko andhā kar diyā
āḳhir ab nazzāra-e-fasl-e-ḳhizāñ kyuuñ kar kareñ
nā-tavānī kā burā ho aah kar sakte nahīñ
kyuuñ falak ab jazb-e-dil kā imtihāñ kyuuñ kar kareñ
is tilism-e-dahr meñ sar bhī uThā sakte nahīñ
kashmakash meñ sair-e-nairañg-e-jahāñ kyuuñ kar kareñ
sar paTakte haiñ abas naqsh-e-qadam par der se
ābla-pā justajū-e-kārvāñ kyuuñ kar kareñ
hosh meñ phir kaun thā jab dard kā sāġhar chalā
āḳhir-e-shab kī vo kaifiyyat bayāñ kyuuñ kar kareñ
haath phailāyā na jā.egā bharī mahfil meñ aaj
sabr kī daulat ko saaqī rā.egāñ kyuuñ kar kareñ
jhuum kar uThte haiñ lekin phir sambhal jaate haiñ mast
sāmnā saaqī kā hai gustāḳhiyāñ kyuuñ kar kareñ
phāḌe khātī hai hameñ ye malgajī poshāk meñ
jāma-e-tan kī batāo dhajjiyāñ kyuuñ kar kareñ
شکوۂ درد جگر اے مہرباں کیوں کر کریں
آپ سن کیوں کر سکیں اور ہم بیاں کیوں کر کریں
اپنی بیتی پھر سنائیں گے کبھی اے مہرباں
شب کی شب میں ختم ساری داستاں کیوں کر کریں
سیکڑوں ہی فتنۂ خوابیدہ جاگ اٹھیں گے پھر
نیند سے چونکا کے ان کو سرگراں کیوں کر کریں
پھر گیا تلوار کا منہ تھم گئے بازوئے دوست
کیوں اجل اس کی تلافی سخت جاں کیوں کر کریں
آتی ہے پچھلے پہر بس دل دھڑکنے کی صدا
راز داران وفا آہ و فغاں کیوں کر کریں
پھاندنا دیوار جنت کا تو آساں ہے مگر
آپ کے دل میں جگہ اے مہرباں کیوں کر کریں
انقلاب دہر نے آنکھوں کو اندھا کر دیا
آخر اب نظارۂ فصل خزاں کیوں کر کریں
ناتوانی کا برا ہو آہ کر سکتے نہیں
کیوں فلک اب جذب دل کا امتحاں کیوں کر کریں
اس طلسم دہر میں سر بھی اٹھا سکتے نہیں
کشمکش میں سیر نیرنگ جہاں کیوں کر کریں
سر پٹکتے ہیں عبث نقش قدم پر دیر سے
آبلہ پا جستجوئے کارواں کیوں کر کریں
ہوش میں پھر کون تھا جب درد کا ساغر چلا
آخر شب کی وہ کیفیت بیاں کیوں کر کریں
ہاتھ پھیلایا نہ جائے گا بھری محفل میں آج
صبر کی دولت کو ساقی رائیگاں کیوں کر کریں
جھوم کر اٹھتے ہیں لیکن پھر سنبھل جاتے ہیں مست
سامنا ساقی کا ہے گستاخیاں کیوں کر کریں
پھاڑے کھاتی ہے ہمیں یہ ملگجی پوشاک میں
جامۂ تن کی بتاؤ دھجیاں کیوں کر کریں