शब की आग़ोश में जागा हुआ घर किस का है
उस पे आसेब नहीं है तो असर किस का है
ऐसा सैलाब कि जंगल को बहा ले जाए
ऐसे सैलाब में बे-बर्ग शजर किस का है
उँगलियों में उतर आए हैं बसारत के रुमूज़
तीरगी में रहे मख़्फ़ी ये हुनर किस का है
बे-चराग़ी ही रही अपने घरों की मीरास
रौशनी पूछती फिरती है कि दर किस का है
वो मुसाफ़िर तो गया छोड़ के यादें अपनी
किस को बतलाऊँ कि ये ज़ाद-ए-सफ़र किस का है
तुम मिरी राह से हो कर नहीं गुज़रे हो तो फिर
नक़्श-ए-पा ये तरफ़-ए-राहगुज़र किस का है
फिर से मदहोश-ए-तमन्ना के हुए होश-ब-जा
हम पे 'आबिद' ये करम बार-ए-दिगर किस का है
shab kī āġhosh meñ jaagā huā ghar kis kā hai
us pe aaseb nahīñ hai to asar kis kā hai
aisā sailāb ki jangal ko bahā le jaa.e
aise sailāb meñ be-barg shajar kis kā hai
uñgliyoñ meñ utar aa.e haiñ basārat ke rumūz
tīrgī meñ rahe maḳhfī ye hunar kis kā hai
be-charāġhī hī rahī apne gharoñ kī mīrās
raushnī pūchhtī phirtī hai ki dar kis kā hai
vo musāfir to gayā chhoḌ ke yādeñ apnī
kis ko batlā.ūñ ki ye zād-e-safar kis kā hai
tum mirī raah se ho kar nahīñ guzre ho to phir
naqsh-e-pā ye taraf-e-rāhguzar kis kā hai
phir se mad.hosh-e-tamanna ke hue hosh-ba-jā
ham pe 'ābid' ye karam bār-e-digar kis kā hai
شب کی آغوش میں جاگا ہوا گھر کس کا ہے
اس پہ آسیب نہیں ہے تو اثر کس کا ہے
ایسا سیلاب کہ جنگل کو بہا لے جائے
ایسے سیلاب میں بے برگ شجر کس کا ہے
انگلیوں میں اتر آئے ہیں بصارت کے رموز
تیرگی میں رہے مخفی یہ ہنر کس کا ہے
بے چراغی ہی رہی اپنے گھروں کی میراث
روشنی پوچھتی پھرتی ہے کہ در کس کا ہے
وہ مسافر تو گیا چھوڑ کے یادیں اپنی
کس کو بتلاؤں کہ یہ زاد سفر کس کا ہے
تم مری راہ سے ہو کر نہیں گزرے ہو تو پھر
نقش پا یہ طرف راہ گزر کس کا ہے
پھر سے مدہوش تمنا کے ہوئے ہوش بجا
ہم پہ عابدؔ یہ کرم بار دگر کس کا ہے