शब-ए-वस्ल थी चाँदनी का समाँ था
बग़ल में सनम था ख़ुदा मेहरबाँ था
मुबारक शब-ए-क़द्र से भी वो शब थी
सहर तक मह ओ मुश्तरी का क़िराँ था
वो शब थी कि थी रौशनी जिस में दिन की
ज़मीं पर से इक नूर ता आसमाँ था
निकाले थे दो चाँद उस ने मुक़ाबिल
वो शब सुब्ह-ए-जन्नत का जिस पर गुमाँ था
उरूसी की शब की हलावत थी हासिल
फ़रह-नाक थी रूह दिल शादमाँ था
मुशाहिद जमाल-ए-परी की थी आँखें
मकान-ए-विसाल इक तिलिस्मी मकाँ था
हुज़ूरी निगाहों को दीदार से थी
खुला था वो पर्दा कि जो दरमियाँ था
किया था उसे बोसा-बाज़ी ने पैदा
कमर की तरह से जो ग़ाएब दहाँ था
हक़ीक़त दिखाता था इश्क़-ए-मजाज़ी
निहाँ जिस को समझे हुए थे अयाँ था
बयाँ ख़्वाब की तरह जो कर रहा है
ये क़िस्सा है जब का कि 'आतिश' जवाँ था
shab-e-vasl thī chāñdnī kā samāñ thā
baġhal meñ sanam thā ḳhudā mehrbāñ thā
mubārak shab-e-qadr se bhī vo shab thī
sahar tak mah o mushtarī kā qirāñ thā
vo shab thī ki thī raushnī jis meñ din kī
zamīñ par se ik nuur tā āsmāñ thā
nikāle the do chāñd us ne muqābil
vo shab sub.h-e-jannat kā jis par gumāñ thā
urūsī kī shab kī halāvat thī hāsil
farah-nāk thī ruuh dil shādmāñ thā
mushāhid jamāl-e-parī kī thī āñkheñ
makān-e-visāl ik tilismī makāñ thā
huzūrī nigāhoñ ko dīdār se thī
khulā thā vo parda ki jo darmiyāñ thā
kiyā thā use bosa-bāzī ne paidā
kamar kī tarah se jo ġhā.eb dahāñ thā
haqīqat dikhātā thā ishq-e-majāzī
nihāñ jis ko samjhe hue the ayaañ thā
bayāñ ḳhvāb kī tarah jo kar rahā hai
ye qissa hai jab kā ki 'ātish' javāñ thā
شب وصل تھی چاندنی کا سماں تھا
بغل میں صنم تھا خدا مہرباں تھا
مبارک شب قدر سے بھی وہ شب تھی
سحر تک مہ و مشتری کا قراں تھا
وہ شب تھی کہ تھی روشنی جس میں دن کی
زمیں پر سے اک نور تا آسماں تھا
نکالے تھے دو چاند اس نے مقابل
وہ شب صبح جنت کا جس پر گماں تھا
عروسی کی شب کی حلاوت تھی حاصل
فرح ناک تھی روح دل شادماں تھا
مشاہد جمال پری کی تھی آنکھیں
مکان وصال اک طلسمی مکاں تھا
حضوری نگاہوں کو دیدار سے تھی
کھلا تھا وہ پردہ کہ جو درمیاں تھا
کیا تھا اسے بوسہ بازی نے پیدا
کمر کی طرح سے جو غائب دہاں تھا
حقیقت دکھاتا تھا عشق مجازی
نہاں جس کو سمجھے ہوئے تھے عیاں تھا
بیاں خواب کی طرح جو کر رہا ہے
یہ قصہ ہے جب کا کہ آتشؔ جواں تھا