शब-ए-वस्ल भी लब पे आए गए हैं
ये नाले बहुत मुँह लगाए गए हैं
ख़ुदा जाने हम किस के पहलू में होंगे
अदम को सब अपने पराए गए हैं
वही राह मिलती है चल फिर के हम को
जहाँ ख़ाक में दिल मिलाए गए हैं
मिरे दिल की क्यूँकर न हो पाएमाली
बहुत इस में अरमान आए गए हैं
गिले शिकवे झूटे भी थे किस मज़े के
हम इल्ज़ाम दानिस्ता खाए गए हैं
निगह को जिगर ज़ुल्फ़ को दिल दिया है
ये दोनों ठिकाने लगाए गए हैं
रहे चुप न हम भी दम-ए-अर्ज़-ए-मतलब
वो इक इक की सौ सौ सुनाए गए हैं
फ़रिश्ते भी देखें तो खुल जाएँ आँखें
बशर को वो जल्वे दिखाए गए हैं
चलो हज़रत-ए-'दाग़' की सैर देखें
वहाँ आज भी वो बुलाए गए हैं
shab-e-vasl bhī lab pe aa.e ga.e haiñ
ye naale bahut muñh lagā.e ga.e haiñ
ḳhudā jaane ham kis ke pahlū meñ hoñge
adam ko sab apne parā.e ga.e haiñ
vahī raah miltī hai chal phir ke ham ko
jahāñ ḳhaak meñ dil milā.e ga.e haiñ
mire dil kī kyūñkar na ho pā.emālī
bahut is meñ armān aa.e ga.e haiñ
gile shikve jhūTe bhī the kis maze ke
ham ilzām dānista khaa.e ga.e haiñ
nigah ko jigar zulf ko dil diyā hai
ye donoñ Thikāne lagā.e ga.e haiñ
rahe chup na ham bhī dam-e-arz-e-matlab
vo ik ik kī sau sau sunā.e ga.e haiñ
farishte bhī dekheñ to khul jaa.eñ āñkheñ
bashar ko vo jalve dikhā.e ga.e haiñ
chalo hazrat-e-'dāġh' kī sair dekheñ
vahāñ aaj bhī vo bulā.e ga.e haiñ
شب وصل بھی لب پہ آئے گئے ہیں
یہ نالے بہت منہ لگائے گئے ہیں
خدا جانے ہم کس کے پہلو میں ہوں گے
عدم کو سب اپنے پرائے گئے ہیں
وہی راہ ملتی ہے چل پھر کے ہم کو
جہاں خاک میں دل ملائے گئے ہیں
مرے دل کی کیونکر نہ ہو پائمالی
بہت اس میں ارمان آئے گئے ہیں
گلے شکوے جھوٹے بھی تھے کس مزے کے
ہم الزام دانستہ کھائے گئے ہیں
نگہ کو جگر زلف کو دل دیا ہے
یہ دونوں ٹھکانے لگائے گئے ہیں
رہے چپ نہ ہم بھی دم عرض مطلب
وہ اک اک کی سو سو سنائے گئے ہیں
فرشتے بھی دیکھیں تو کھل جائیں آنکھیں
بشر کو وہ جلوے دکھائے گئے ہیں
چلو حضرت داغؔ کی سیر دیکھیں
وہاں آج بھی وہ بلائے گئے ہیں