शब-ए-फ़ुर्क़त में यार-ए-जानी की
दर्द-ए-पहलू ने मेहरबानी की
मुँह दिखाओ बहुत रही तकरार
अरिनी और लन-तरानी की
जिस को कहते हैं चौदहवीं का चाँद
तेरी तस्वीर है जवानी की
कमर-ए-यार हो गई ग़ाएब
सुन के धूम अपनी ना-तवानी की
सूरत-ए-हाल पर हमारे मोहर
दाग़ ने ज़ख़्म ने निशानी की
सैर-ए-नेमत से दो जहान की क्या
दे के शबनम को बूँद पानी की
हो गया इश्क़ हुस्न से नागाह
पूछते क्या हो ना-गहानी की
दिल-बिरिश्ता हुआ जो मिस्ल-ए-कबाब
मैं ने तुर्कों की मेहमानी की
लब-ए-जाँ-बख़्श के क़रीब वो ख़त
शरह है मत्न-ए-ज़िंदगानी की
गोश-ज़द होते ही हुई दुश्मन
नींद तेरी मिरी कहानी की
खींचते उस ग़ज़ाल की सूरत
चौकड़ी भूलती है 'मानी' की
मुझ को बिठला के यार सोता है
आशिक़ी की कि पासबानी की
रह गया शौक़-ए-मंज़िल-ए-मक़्सूद
पा-ए-ख़ुफ़्ता ने सरगिरानी की
मिस्ल-ए-शबनम हूँ साफ़-दिल क़ाने
मुझ को दरिया है बूँद पानी की
बर्क़ चमकी तो सरफ़राज़ किया
अब्र आया तो मेहरबानी की
राहत-ए-मर्ग को न पूछ 'आतिश'
न रही क़द्र ज़िंदगानी की
shab-e-furqat meñ yār-e-jānī kī
dard-e-pahlū ne mehrbānī kī
muñh dikhāo bahut rahī takrār
arinī aur lan-tarānī kī
jis ko kahte haiñ chaudhvīñ kā chāñd
terī tasvīr hai javānī kī
kamar-e-yār ho ga.ī ġhā.eb
sun ke dhuum apnī nā-tavānī kī
sūrat-e-hāl par hamāre mohr
daaġh ne zaḳhm ne nishānī kī
sair-e-ne.amat se do jahān kī kyā
de ke shabnam ko buuñd paanī kī
ho gayā ishq husn se nāgāh
pūchhte kyā ho nā-gahānī kī
dil-birishta huā jo misl-e-kabāb
maiñ ne turkoñ kī mehmānī kī
lab-e-jāñ-baḳhsh ke qarīb vo ḳhat
sharh hai matn-e-zindagānī kī
gosh-zad hote hī huī dushman
niiñd terī mirī kahānī kī
khīñchte us ġhazāl kī sūrat
chaukḌī bhūltī hai 'mānī' kī
mujh ko biThlā ke yaar sotā hai
āshiqī kī ki pāsbānī kī
rah gayā shauq-e-manzil-e-maqsūd
pā-e-ḳhufta ne sargirānī kī
misl-e-shabnam huuñ sāf-dil qaane
mujh ko dariyā hai buuñd paanī kī
barq chamkī to sarfarāz kiyā
abr aayā to mehrbānī kī
rāhat-e-marg ko na pūchh 'ātish'
na rahī qadr zindagānī kī
شب فرقت میں یار جانی کی
درد پہلو نے مہربانی کی
منہ دکھاؤ بہت رہی تکرار
ارنی اور لن ترانی کی
جس کو کہتے ہیں چودھویں کا چاند
تیری تصویر ہے جوانی کی
کمر یار ہو گئی غائب
سن کے دھوم اپنی ناتوانی کی
صورت حال پر ہمارے مہر
داغ نے زخم نے نشانی کی
سیر نعمت سے دو جہان کی کیا
دے کے شبنم کو بوند پانی کی
ہو گیا عشق حسن سے ناگاہ
پوچھتے کیا ہو ناگہانی کی
دل برشتہ ہوا جو مثل کباب
میں نے ترکوں کی مہمانی کی
لب جاں بخش کے قریب وہ خط
شرح ہے متن زندگانی کی
گوش زد ہوتے ہی ہوئی دشمن
نیند تیری مری کہانی کی
کھینچتے اس غزال کی صورت
چوکڑی بھولتی ہے مانیؔ کی
مجھ کو بٹھلا کے یار سوتا ہے
عاشقی کی کہ پاسبانی کی
رہ گیا شوق منزل مقصود
پائے خفتہ نے سرگرانی کی
مثل شبنم ہوں صاف دل قانع
مجھ کو دریا ہے بوند پانی کی
برق چمکی تو سرفراز کیا
ابر آیا تو مہربانی کی
راحت مرگ کو نہ پوچھ آتشؔ
نہ رہی قدر زندگانی کی