सवाद-ए-हिज्र में रक्खा हुआ दिया हूँ मैं
तुझे ख़बर नहीं किस आग में जला हूँ मैं
मैं क़र्या क़र्या फिरा गर्द-बाद बन के जहाँ
उसी ज़मीन पे परचम-सिफ़त उठा हूँ मैं
अभी छुटी नहीं जन्नत की धूल पाँव से
हनूज़ फ़र्श-ए-ज़मीं पर नया नया हूँ मैं
हज़ार शुक्र है कि ख़ुद पे उस्तुवार था मैं
हज़ार शुक्र कि बुनियाद पर गिरा हूँ मैं
मिरी शगुफ़्त के मौसम अभी नहीं आए
कहीं कहीं पे मगर फिर भी खिल गया हूँ मैं
मिरी शिकस्त भी है रेख़्त 'इफ़्तिख़ार-मुग़ल'
कि यूँही बनने बिगड़ने में ही बना हूँ मैं
savād-e-hijr meñ rakkhā huā diyā huuñ maiñ
tujhe ḳhabar nahīñ kis aag meñ jalā huuñ maiñ
maiñ qarya qarya phirā gard-bād ban ke jahāñ
usī zamīn pe parcham-sifat uThā huuñ maiñ
abhī chhuTī nahīñ jannat kī dhuul paañv se
hanūz farsh-e-zamīñ par nayā nayā huuñ maiñ
hazār shukr hai ki ḳhud pe ustuvār thā maiñ
hazār shukr ki buniyād par girā huuñ maiñ
mirī shaguft ke mausam abhī nahīñ aa.e
kahīñ kahīñ pe magar phir bhī khil gayā huuñ maiñ
mirī shikast bhī hai reḳht 'iftiḳhār-muġhal'
ki yūñhī banñe bigaḌne meñ hī banā huuñ maiñ
سواد ہجر میں رکھا ہوا دیا ہوں میں
تجھے خبر نہیں کس آگ میں جلا ہوں میں
میں قریہ قریہ پھرا گرد باد بن کے جہاں
اسی زمین پہ پرچم صفت اٹھا ہوں میں
ابھی چھٹی نہیں جنت کی دھول پاؤں سے
ہنوز فرش زمیں پر نیا نیا ہوں میں
ہزار شکر ہے کہ خود پہ استوار تھا میں
ہزار شکر کہ بنیاد پر گرا ہوں میں
مری شگفت کے موسم ابھی نہیں آئے
کہیں کہیں پہ مگر پھر بھی کھل گیا ہوں میں
مری شکست بھی ہے ریخت افتخارؔ مغل
کہ یونہی بننے بگڑنے میں ہی بنا ہوں میں