सराब-ओ-दश्त वही सारबान तीसरा है
सफ़र के साथ बँधा इम्तिहान तीसरा है
हुज़ूर फ़हम-ओ-फ़रासत से काम लीजिएगा
सड़क के मग़रिबी जानिब मकान तीसरा है
ये दो जहान से आगे की एक मंज़िल है
अता-ए-इश्क़-ए-मोहम्मद जहान तीसरा है
अज़ल अबद के निशाँ ज़िंदगी के हामी हैं
तबाहियों की इबारत निशान तीसरा है
हम इस से पहले भी गुज़रे हैं इम्तिहानों से
पड़ाव पहला सही इम्तिहान तीसरा है
ये दोनों कान तो दीवार की अमानत हैं
जो इंतिहा-ए-यक़ीं है वो कान तीसरा है
मैं धूप ओढ़ के निकला तो ये खुला 'फ़ैसल'
यक़ीन दूसरा मौसम गुमान तीसरा है
sarāb-o-dasht vahī sārbān tīsrā hai
safar ke saath bañdhā imtihān tīsrā hai
huzūr fahm-o-farāsat se kaam lījiyegā
saḌak ke maġhribī jānib makān tīsrā hai
ye do jahān se aage kī ek manzil hai
atā-e-ishq-e-mohammad jahān tīsrā hai
azal abad ke nishāñ zindagī ke haamī haiñ
tabāhiyoñ kī ibārat nishān tīsrā hai
ham is se pahle bhī guzre haiñ imtihānoñ se
paḌāv pahlā sahī imtihān tīsrā hai
ye donoñ kaan to dīvār kī amānat haiñ
jo intihā-e-yaqīñ hai vo kaan tīsrā hai
maiñ dhuup oḌh ke niklā to ye khulā 'faisal'
yaqīn dūsrā mausam gumān tīsrā hai
سراب و دشت وہی ساربان تیسرا ہے
سفر کے ساتھ بندھا امتحان تیسرا ہے
حضور فہم و فراست سے کام لیجئے گا
سڑک کے مغربی جانب مکان تیسرا ہے
یہ دو جہان سے آگے کی ایک منزل ہے
عطائے عشق محمد جہان تیسرا ہے
ازل ابد کے نشاں زندگی کے حامی ہیں
تباہیوں کی عبارت نشان تیسرا ہے
ہم اس سے پہلے بھی گزرے ہیں امتحانوں سے
پڑاؤ پہلا سہی امتحان تیسرا ہے
یہ دونوں کان تو دیوار کی امانت ہیں
جو انتہائے یقیں ہے وہ کان تیسرا ہے
میں دھوپ اوڑھ کے نکلا تو یہ کھلا فیصلؔ
یقین دوسرا موسم گمان تیسرا ہے