कुछ ऐसा रब्त मुसलसल रहा शुऊ'र से भी
कि ख़ौफ़ आने लगा इश्क़ के वफ़ूर से भी
वो शश-जहात से यकसाँ दिखाई देता है
उसे क़रीब से देखा है और दूर से भी
हमारा इश्क़ हक़ीक़त में ग़ार-ए-सौर-ओ-हिरा
अगरचे ख़ास अक़ीदत हमें है तूर से भी
सुना है ख़ास तअ'ल्लुक़ है ख़ारजियत का
हमारी ज़ात के कुछ दाख़ली उमूर से भी
तभी तो ज़ेहन पे हावी है इश्क़-ए-सहराई
अज़ल से दिल के मरासिम रहे खजूर से भी
ये और बात है मानो कि इख़्तिलाफ़ करो
निशानियाँ तो हज़ारों मिलीं ज़बूर से भी
लहू में रक़्स-कुनाँ इश्क़ है मिरे 'फ़ैसल'
जुड़ा हुआ है कोई सिलसिला क़ुसूर से भी
kuchh aisā rabt musalsal rahā shu.ūr se bhī
ki ḳhauf aane lagā ishq ke vafūr se bhī
vo shash-jahāt se yaksāñ dikhā.ī detā hai
use qarīb se dekhā hai aur duur se bhī
hamārā ishq haqīqat meñ ġhār-e-saur-o-hirā
agarche ḳhaas aqīdat hameñ hai tuur se bhī
sunā hai ḳhaas ta.alluq hai ḳhārjiyat kā
hamārī zaat ke kuchh dāḳhlī umuur se bhī
tabhī to zehn pe haavī hai ishq-e-sahrā.ī
azal se dil ke marāsim rahe khajūr se bhī
ye aur baat hai maano ki iḳhtilāf karo
nishāniyāñ to hazāroñ milīñ zabūr se bhī
lahū meñ raqs-kunāñ ishq hai mire 'faisal'
juḌā huā hai koī silsila qusūr se bhī
کچھ ایسا ربط مسلسل رہا شعور سے بھی
کہ خوف آنے لگا عشق کے وفور سے بھی
وہ شش جہات سے یکساں دکھائی دیتا ہے
اسے قریب سے دیکھا ہے اور دور سے بھی
ہمارا عشق حقیقت میں غار ثور و حرا
اگرچہ خاص عقیدت ہمیں ہے طور سے بھی
سنا ہے خاص تعلق ہے خارجیت کا
ہماری ذات کے کچھ داخلی امور سے بھی
تبھی تو ذہن پہ حاوی ہے عشق صحرائی
ازل سے دل کے مراسم رہے کھجور سے بھی
یہ اور بات ہے مانو کہ اختلاف کرو
نشانیاں تو ہزاروں ملیں زبور سے بھی
لہو میں رقص کناں عشق ہے مرے فیصلؔ
جڑا ہوا ہے کوئی سلسلہ قصور سے بھی