अगरचे तुम सा बनाया नहीं गया हूँ मैं
मगर बना के मिटाया नहीं गया हूँ मैं
उसे ये दुख कि ज़मीं तंग क़ाफ़िया मुश्किल
मुझे ये दुख कि निभाया नहीं गया हूँ मैं
मैं जिस तरफ़ से मुकम्मल दिखाई देता हूँ
उसी तरफ़ से दिखाया नहीं गया हूँ मैं
ये इंकिसारी अज़ल से मिरे ख़मीर में है
झुका हुआ हूँ झुकाया नहीं गया हूँ मैं
ग़ुरूर लाज़मी उंसुर था इस वज़ारत का
सो ख़ुद हटा हूँ हटाया नहीं गया हूँ मैं
मैं अपनी ज़ात में इक मो'तबर हवाला हूँ
किसी के साथ मिलाया नहीं गया हूँ मैं
मैं मसअलों में फ़िलिस्तीन हूँ मगर 'फ़ैसल'
किसी जगह पे उठाया नहीं गया हूँ मैं
agarche tum sā banāyā nahīñ gayā huuñ maiñ
magar banā ke miTāyā nahīñ gayā huuñ maiñ
use ye dukh ki zamīñ tañg qāfiya mushkil
mujhe ye dukh ki nibhāyā nahīñ gayā huuñ maiñ
maiñ jis taraf se mukammal dikhā.ī detā huuñ
usī taraf se dikhāyā nahīñ gayā huuñ maiñ
ye inkisārī azal se mire ḳhamīr meñ hai
jhukā huā huuñ jhukāyā nahīñ gayā huuñ maiñ
ġhurūr lāzmī unsur thā is vazārat kā
so ḳhud haTā huuñ haTāyā nahīñ gayā huuñ maiñ
maiñ apnī zaat meñ ik mo'atabar havāla huuñ
kisī ke saath milāyā nahīñ gayā huuñ maiñ
maiñ mas.aloñ meñ filistīn huuñ magar 'faisal'
kisī jagah pe uThāyā nahīñ gayā huuñ maiñ
اگرچہ تم سا بنایا نہیں گیا ہوں میں
مگر بنا کے مٹایا نہیں گیا ہوں میں
اسے یہ دکھ کہ زمیں تنگ قافیہ مشکل
مجھے یہ دکھ کہ نبھایا نہیں گیا ہوں میں
میں جس طرف سے مکمل دکھائی دیتا ہوں
اسی طرف سے دکھایا نہیں گیا ہوں میں
یہ انکساری ازل سے مرے خمیر میں ہے
جھکا ہوا ہوں جھکایا نہیں گیا ہوں میں
غرور لازمی عنصر تھا اس وزارت کا
سو خود ہٹا ہوں ہٹایا نہیں گیا ہوں میں
میں اپنی ذات میں اک معتبر حوالہ ہوں
کسی کے ساتھ ملایا نہیں گیا ہوں میں
میں مسئلوں میں فلسطین ہوں مگر فیصلؔ
کسی جگہ پہ اٹھایا نہیں گیا ہوں میں