सर-मस्त-ए-शराब-ए-शौक़ है दिल
या ख़ुद हमा-तन है जाम-ए-मय दिल
बुझती ही नहीं है प्यास इस की
इतना भी न हो ख़राब-ए-मय दिल
हुस्न-ए-रुख़-ए-यार से अयाँ है
सब तेरा जमाल-ए-शौक़ ऐ दिल
जिस को न तिरी तलब हो प्यारे
ऐसा भी जहाँ में कोई है दिल
क्या ऐसी पड़ी है इस पे उफ़्ताद
बेज़ार जो ज़िंदगी से है दिल
किसी के ग़म-ए-हिज्र में शब-ओ-रोज़
सर-गश्ता-ओ-बे-क़रार है दिल
किस साक़ी-ए-माह-वश से छुट कर
है जस्त में मिस्ल-ए-मौज-ए-मय दिल
किस मुतरिब-ए-ख़ुश-नवा के ग़म में
फ़रियाद-कुनाँ है मिस्ल-ए-नै दिल
इक हाल पे मिस्ल-ए-तब्अ'-ए-जानाँ
तुझ को भी नहीं क़रार ऐ दिल
अब वस्ल में हिज्र की हवस है
है तू भी ग़रज़ अजीब शय दिल
है तेरे सिवा 'जलील' का कौन
ऐ यार-ए-वफ़ा-शिआ'र ऐ दिल
sar-mast-e-sharāb-e-shauq hai dil
yā ḳhud hama-tan hai jām-e-mai dil
bujhtī hī nahīñ hai pyaas is kī
itnā bhī na ho ḳharāb-e-mai dil
husn-e-ruḳh-e-yār se ayaañ hai
sab terā jamāl-e-shauq ai dil
jis ko na tirī talab ho pyāre
aisā bhī jahāñ meñ koī hai dil
kyā aisī paḌī hai is pe uftād
bezār jo zindagī se hai dil
kisī ke ġham-e-hijr meñ shab-o-roz
sar-gashta-o-be-qarār hai dil
kis sāqī-e-māh-vash se chhuT kar
hai jast meñ misl-e-mauj-e-mai dil
kis mutrib-e-ḳhush-navā ke ġham meñ
fariyād-kunāñ hai misl-e-nai dil
ik haal pe misl-e-tab.a-e-jānāñ
tujh ko bhī nahīñ qarār ai dil
ab vasl meñ hijr kī havas hai
hai tū bhī ġharaz ajiib shai dil
hai tere sivā 'jalīl' kā kaun
ai yār-e-vafā-shi.ār ai dil
سر مست شراب شوق ہے دل
یا خود ہمہ تن ہے جام مے دل
بجھتی ہی نہیں ہے پیاس اس کی
اتنا بھی نہ ہو خراب مے دل
حسن رخ یار سے عیاں ہے
سب تیرا جمال شوق اے دل
جس کو نہ تری طلب ہو پیارے
ایسا بھی جہاں میں کوئی ہے دل
کیا ایسی پڑی ہے اس پہ افتاد
بیزار جو زندگی سے ہے دل
کسی کے غم ہجر میں شب و روز
سرگشتہ و بے قرار ہے دل
کس ساقیٔ ماہ وش سے چھٹ کر
ہے جست میں مثل موج مے دل
کس مطرب خوشنوا کے غم میں
فریاد کناں ہے مثل نے دل
اک حال پہ مثل طبع جاناں
تجھ کو بھی نہیں قرار اے دل
اب وصل میں ہجر کی ہوس ہے
ہے تو بھی غرض عجیب شے دل
ہے تیرے سوا جلیلؔ کا کون
اے یار وفا شعار اے دل