समझे हैं मिस्ल-ए-काह मुझे मारते हैं लोग
कितने हैं कम-निगाह मुझे मारते हैं लोग
इतना भी एहतिजाज गवारा नहीं उन्हें
भरता हूँ जब भी आह मुझे मारते हैं लोग
माना कि तेरे अद्ल का डंका है चार सू
लेकिन ऐ कज-कुलाह मुझे मारते हैं लोग
तय है कि फिर गिरा दिया जाउँगा चाह में
पहले बरून-ए-चाह मुझे मारते हैं लोग
यूँ भी फ़रोग़ देते हैं अपने दरोग़ को
ला कर कोई गवाह मुझे मारते हैं लोग
samjhe haiñ misl-e-kāh mujhe mārte haiñ log
kitne haiñ kam-nigāh mujhe mārte haiñ log
itnā bhī ehtijāj gavārā nahīñ unheñ
bhartā huuñ jab bhī aah mujhe mārte haiñ log
maanā ki tere adl kā Dañkā hai chaar sū
lekin ai kaj-kulāh mujhe mārte haiñ log
tai hai ki phir girā diyā jā.uñgā chaah meñ
pahle barūn-e-chāh mujhe mārte haiñ log
yuuñ bhī faroġh dete haiñ apne daroġh ko
lā kar koī gavāh mujhe mārte haiñ log
سمجھے ہیں مثل کاہ مجھے مارتے ہیں لوگ
کتنے ہیں کم نگاہ مجھے مارتے ہیں لوگ
اتنا بھی احتجاج گوارا نہیں انہیں
بھرتا ہوں جب بھی آہ مجھے مارتے ہیں لوگ
مانا کہ تیرے عدل کا ڈنکا ہے چار سو
لیکن اے کج کلاہ مجھے مارتے ہیں لوگ
طے ہے کہ پھر گرا دیا جاوں گا چاہ میں
پہلے برون چاہ مجھے مارتے ہیں لوگ
یوں بھی فروغ دیتے ہیں اپنے دروغ کو
لا کر کوئی گواہ مجھے مارتے ہیں لوگ