सलामत रहें दिल में घर करने वाले
इस उजड़े मकाँ में बसर करने वाले
गले पर छुरी क्यूँ नहीं फेर देते
असीरों को बे-बाल-ओ-पर करने वाले
अँधेरे उजाले कहीं तो मिलेंगे
वतन से हमें दर-ब-दर करने वाले
गरेबाँ में मुँह डाल कर ख़ुद तो देखें
बुराई पे मेरी नज़र करने वाले
इस आईना-ख़ाने में क्या सर उठाते
हक़ीक़त पर अपनी नज़र करने वाले
बहार-ए-दो-रोज़ा से दिल क्या बहलता
ख़बर कर चुके थे ख़बर करने वाले
खड़े हैं दो-राहे पे दैर ओ हरम के
तिरी जुस्तुजू में सफ़र करने वाले
सर-ए-शाम गुल हो गई शम-ए-बालीं
सलामत हैं अब तक सहर करने वाले
कुजा सेहन-ए-आलम कुजा कुंज-ए-मरक़द
बसर कर रहे हैं बसर करने वाले
'यगाना' वही फ़ातेह-ए-लखनऊ हैं
दिल-ए-संग-ओ-आहन में घर करने वाले
salāmat raheñ dil meñ ghar karne vaale
is ujḌe makāñ meñ basar karne vaale
gale par chhurī kyuuñ nahīñ pher dete
asīroñ ko be-bāl-o-par karne vaale
añdhere ujāle kahīñ to mileñge
vatan se hameñ dar-ba-dar karne vaale
garebāñ meñ muñh Daal kar ḳhud to dekheñ
burā.ī pe merī nazar karne vaale
is ā.īna-ḳhāne meñ kyā sar uThāte
haqīqat par apnī nazar karne vaale
bahār-e-do-roza se dil kyā bahaltā
ḳhabar kar chuke the ḳhabar karne vaale
khaḌe haiñ do-rāhe pe dair o haram ke
tirī justujū meñ safar karne vaale
sar-e-shām gul ho ga.ī sham-e-bālīñ
salāmat haiñ ab tak sahar karne vaale
kujā sehn-e-ālam kujā kunj-e-marqad
basar kar rahe haiñ basar karne vaale
'yagānā' vahī fāteh-e-lakhknau haiñ
dil-e-sañg-o-āhan meñ ghar karne vaale
سلامت رہیں دل میں گھر کرنے والے
اس اجڑے مکاں میں بسر کرنے والے
گلے پر چھری کیوں نہیں پھیر دیتے
اسیروں کو بے بال و پر کرنے والے
اندھیرے اجالے کہیں تو ملیں گے
وطن سے ہمیں در بدر کرنے والے
گریباں میں منہ ڈال کر خود تو دیکھیں
برائی پہ میری نظر کرنے والے
اس آئینہ خانے میں کیا سر اٹھاتے
حقیقت پر اپنی نظر کرنے والے
بہار دو روزہ سے دل کیا بہلتا
خبر کر چکے تھے خبر کرنے والے
کھڑے ہیں دوراہے پہ دیر و حرم کے
تری جستجو میں سفر کرنے والے
سر شام گل ہو گئی شمع بالیں
سلامت ہیں اب تک سحر کرنے والے
کجا صحن عالم کجا کنج مرقد
بسر کر رہے ہیں بسر کرنے والے
یگانہؔ وہی فاتح لکھنؤ ہیں
دل سنگ و آہن میں گھر کرنے والے