सख़्त नाज़ुक मिज़ाज-ए-दिलबर था
ख़ैर गुज़री कि दिल भी पत्थर था
मुख़्तसर हाल-ए-ज़िंदगी ये है
लाख सौदा था और इक सर था
उन की रुख़्सत का दिन तो याद नहीं
ये समझिए कि रोज़-ए-महशर था
ख़ाक निभती मिरी तिरे दिल में
एक शीशा था एक पत्थर था
तुम मिरे घर जो आने वाले थे
खोले आग़ोश सुब्ह तक दर था
अब्र-ए-रहमत जो हो गया मशहूर
किसी मय-कश का दामन-ए-तर था
जब उन्हें शौक़ था सँवरने का
एक इक आइना सिकंदर था
आँसुओं की थी क्या बिसात मगर
देखते देखते समुंदर था
कैसी आज़ाद ज़िंदगी है 'जलील'
दर-ए-दिल पर जब अपना बिस्तर था
saḳht nāzuk mizāj-e-dilbar thā
ḳhair guzrī ki dil bhī patthar thā
muḳhtasar hāl-e-zindagī ye hai
laakh saudā thā aur ik sar thā
un kī ruḳhsat kā din to yaad nahīñ
ye samajhiye ki roz-e-mahshar thā
ḳhaak nibhtī mirī tire dil meñ
ek shīsha thā ek patthar thā
tum mire ghar jo aane vaale the
khole āġhosh sub.h tak dar thā
abr-e-rahmat jo ho gayā mash.hūr
kisī mai-kash kā dāman-e-tar thā
jab unheñ shauq thā sañvarne kā
ek ik aa.ina sikandar thā
āñsuoñ kī thī kyā bisāt magar
dekhte dekhte samundar thā
kaisī āzād zindagī hai 'jalīl'
dar-e-dil par jab apnā bistar thā
سخت نازک مزاج دلبر تھا
خیر گزری کہ دل بھی پتھر تھا
مختصر حال زندگی یہ ہے
لاکھ سودا تھا اور اک سر تھا
ان کی رخصت کا دن تو یاد نہیں
یہ سمجھئے کہ روز محشر تھا
خاک نبھتی مری ترے دل میں
ایک شیشہ تھا ایک پتھر تھا
تم مرے گھر جو آنے والے تھے
کھولے آغوش صبح تک در تھا
ابر رحمت جو ہو گیا مشہور
کسی مے کش کا دامن تر تھا
جب انہیں شوق تھا سنورنے کا
ایک اک آئنہ سکندر تھا
آنسوؤں کی تھی کیا بساط مگر
دیکھتے دیکھتے سمندر تھا
کیسی آزاد زندگی ہے جلیلؔ
در دل پر جب اپنا بستر تھا