सदियों तवील रात के ज़ानू से सर उठा
सूरज उफ़ुक़ से झाँक रहा है नज़र उठा
इतनी बुरी नहीं है खंडर की ज़मीन भी
इस ढेर को समेट नए बाम-ओ-दर उठा
मुमकिन है कोई हाथ समुंदर लपेट दे
कश्ती में सौ शिगाफ़ हों लंगर मगर उठा
शाख़-ए-चमन में आग लगा कर गया था क्यूँ
अब ये अज़ाब-ए-दर-बदरी उम्र भर उठा
मंज़िल पे आ के देख रहा हूँ मैं आइना
कितना ग़ुबार था जो सर-ए-रहगुज़र उठा
सहरा में थोड़ी देर ठहरना ग़लत न था
ले गर्द-बाद बैठ गया अब तो सर उठा
दस्तक में कोई दर्द की ख़ुश्बू ज़रूर थी
दरवाज़ा खोलने के लिए घर का घर उठा
'क़ैसर' मता-ए-दिल का ख़रीदार कौन है
बाज़ार उजड़ गया है दुकान-ए-हुनर उठा
sadiyoñ tavīl raat ke zaanū se sar uThā
sūraj ufuq se jhāñk rahā hai nazar uThā
itnī burī nahīñ hai khañDar kī zamīn bhī
is Dher ko sameT na.e bām-o-dar uThā
mumkin hai koī haath samundar lapeT de
kashtī meñ sau shigāf hoñ lañgar magar uThā
shāḳh-e-chaman meñ aag lagā kar gayā thā kyuuñ
ab ye azāb-e-dar-badrī umr bhar uThā
manzil pe aa ke dekh rahā huuñ maiñ aa.ina
kitnā ġhubār thā jo sar-e-rahguzar uThā
sahrā meñ thoḌī der Thaharnā ġhalat na thā
le gard-bād baiTh gayā ab to sar uThā
dastak meñ koī dard kī ḳhushbū zarūr thī
darvāza kholne ke liye ghar kā ghar uThā
'qaisar' matā-e-dil kā ḳharīdār kaun hai
bāzār ujaḌ gayā hai dukān-e-hunar uThā
صدیوں طویل رات کے زانو سے سر اٹھا
سورج افق سے جھانک رہا ہے نظر اٹھا
اتنی بری نہیں ہے کھنڈر کی زمین بھی
اس ڈھیر کو سمیٹ نئے بام و در اٹھا
ممکن ہے کوئی ہاتھ سمندر لپیٹ دے
کشتی میں سو شگاف ہوں لنگر مگر اٹھا
شاخ چمن میں آگ لگا کر گیا تھا کیوں
اب یہ عذاب در بدری عمر بھر اٹھا
منزل پہ آ کے دیکھ رہا ہوں میں آئنہ
کتنا غبار تھا جو سر رہ گزر اٹھا
صحرا میں تھوڑی دیر ٹھہرنا غلط نہ تھا
لے گرد باد بیٹھ گیا اب تو سر اٹھا
دستک میں کوئی درد کی خوشبو ضرور تھی
دروازہ کھولنے کے لیے گھر کا گھر اٹھا
قیصرؔ متاع دل کا خریدار کون ہے
بازار اجڑ گیا ہے دکان ہنر اٹھا