सद-शुक्र बुझ गई तिरी तलवार की हवस
क़ातिल यही थी तेरे गुनहगार की हवस
मुर्दे को भी मज़ार में लेने न देगी चैन
ता-हश्र तेरे साया-ए-दीवार की हवस
सौ बार आए ग़श अरिनी ही कहूँगा मैं
मूसा नहीं कि फिर हो न दीदार की हवस
रिज़वाँ कहाँ ये ख़ुल्द ओ इरम और मैं कहाँ
आए थे ले के कूचा-ए-दिलदार की हवस
सय्याद जब क़फ़स से निकाला था बहर-ए-ज़ब्ह
पूछी तो होती मुर्ग़-ए-गिरफ़्तार की हवस
यूसुफ़ को तेरी चाह के सौदे की आरज़ू
ईसा को तेरे इश्क़ के आज़ार की हवस
दस्त-ए-हवा-ए-गुल में गरेबान है मिरा
दामन जुनूँ में खींचती है ख़ार की हवस
जब हो किसी का रिश्ता-ए-उल्फ़त गले का तौक़
दीवाना-पन है सुब्हा-ओ-ज़ुन्नार की हवस
माने है ज़ब्त चर्ख़ फुंके क्यूँकर ऐ 'जलाल'
किस तरह निकले आह-ए-शरर-बार की हवस
sad-shukr bujh ga.ī tirī talvār kī havas
qātil yahī thī tere gunahgār kī havas
murde ko bhī mazār meñ lene na degī chain
tā-hashr tere sāya-e-dīvār kī havas
sau baar aa.e ġhash arinī hī kahūñgā maiñ
muusā nahīñ ki phir ho na dīdār kī havas
rizvāñ kahāñ ye ḳhuld o iram aur maiñ kahāñ
aa.e the le ke kūcha-e-dildār kī havas
sayyād jab qafas se nikālā thā bahr-e-zab.h
pūchhī to hotī murġh-e-giraftār kī havas
yūsuf ko terī chaah ke saude kī aarzū
iisā ko tere ishq ke āzār kī havas
dast-e-havā-e-gul meñ garebān hai mirā
dāman junūñ meñ khīñchtī hai ḳhaar kī havas
jab ho kisī kā rishta-e-ulfat gale kā tauq
dīvāna-pan hai sub.ha-o-zunnār kī havas
maan.e hai zabt charḳh phuñke kyūñkar ai 'jalāl'
kis tarah nikle āh-e-sharar-bār kī havas
صد شکر بجھ گئی تری تلوار کی ہوس
قاتل یہی تھی تیرے گنہ گار کی ہوس
مردے کو بھی مزار میں لینے نہ دے گی چین
تا حشر تیرے سایۂ دیوار کی ہوس
سو بار آئے غش ارنی ہی کہوں گا میں
موسیٰ نہیں کہ پھر ہو نہ دیدار کی ہوس
رضواں کہاں یہ خلد و ارم اور میں کہاں
آئے تھے لے کے کوچۂ دل دار کی ہوس
صیاد جب قفس سے نکالا تھا بہر ذبح
پوچھی تو ہوتی مرغ گرفتار کی ہوس
یوسف کو تیری چاہ کے سودے کی آرزو
عیسیٰ کو تیرے عشق کے آزار کی ہوس
دست ہوائے گل میں گریبان ہے مرا
دامن جنوں میں کھینچتی ہے خار کی ہوس
جب ہو کسی کا رشتۂ الفت گلے کا طوق
دیوانہ پن ہے سبحہ و زنار کی ہوس
مانع ہے ضبط چرخ پھنکے کیونکر اے جلالؔ
کس طرح نکلے آہ شرربار کی ہوس