सब्ज़ा बाला-ए-ज़क़न दुश्मन है ख़ल्क़ुल्लाह का
रह-रवों की मौत है ख़स-पोश होना चाह का
मिल बिठाना है फ़लक मंज़ूर किस दिल-ख़्वाह का
बुर्ज-ए-मीज़ाँ में नहीं बे-वज्ह आना माह का
बस कि फिरता है ख़याल आँखों में उस दिल-ख़्वाह का
रंग-रू के उड़ने में 'आलम है गर्द-ए-राह का
सफ़्हा-ए-दिल से उठाऊँ किस तरह नक़्श-ए-सनम
मुल्क में होता किसी के घर नहीं अल्लाह का
कम-बिज़ाअत से ख़याल-ए-ख़ाम है कसरत को फ़ैज़
इक्तिफ़ा करता नहीं लश्कर को पानी चाह का
राह-ए-हस्ती में है रुख़्सार-ए-सनम से ज़िंदगी
ताज़ा-दम करता मुसाफ़िर को है तकिया राह का
लाश भी गलियों में खिंचवा कर किया है क़त्ल-ए-यार
तूल ही देना मज़ा है क़िस्सा-ए-कोताह का
पस्त फ़ितरत से सिवाए रंज कुछ हासिल नहीं
पा-ब-गिल कश्ती को कर देता है पानी थाह का
छोड़ कर 'इश्क़-ए-सनम ज़ाहिद न हो मफ़्तून-ए-हूर
कब यक़ीं लाता है दाना दूर की अफ़्वाह का
दिल को अबरू-ए-सनम का शेफ़्ता करती है आँख
दर्स देता है मु'अल्लिम पहले बिस्मिल्लाह का
ऐ सनम बंदा-नवाज़ी है सिफ़त अल्लाह की
हैफ़ है ख़ाली फिरे साइल तिरी दरगाह का
माइल-ए-माशूक़ा-ए-ख़ुसरव न हो ऐ कोहकन
शेर के झूटे को खाना काम है रूबाह का
जोश अश्क-ए-आतिशीं का बा'इस आह-ए-सर्द है
गर्म करती है हवा जाड़े की पानी चाह का
नज़्अ' में आया न बालीं पर मिरे यार इस लिए
आख़िर-ए-हर-माह है मा'मूल छुपना माह का
हूँ वो अबतर तिफ़्ल जिस को जान खोना खेल है
कुंज-ए-मरक़द है घरौंदा मेरी बाज़ी-गाह का
आसमाँ रू-ए-ज़मीं है यार माह-ए-चार-दह
हल्क़ा-ए-अहबाब गिर्द उस के है हाला माह का
वो दहन है चश्मा-ए-शीरीं तबस्सुम मौज है
वो ज़क़न है चाह ख़ाल उस में तवा है चाह का
ना-तवाँ मेरी तरह से है जो इश्क़-ए-हुस्न से
कोह से भारी तराज़ू में हो पल्ला काह का
शे'र कहता हूँ मैं ऐ 'आतिश' ख़ुदा की हम्द में
मेरी हर इक बैत पर 'आलम है बैतुल्लाह का
sabza bālā-e-zaqan dushman hai ḳhalqullāh kā
rah-ravoñ kī maut hai ḳhas-posh honā chaah kā
mil biThānā hai falak manzūr kis dil-ḳhvāh kā
burj-e-mīzāñ meñ nahīñ be-vaj.h aanā maah kā
bas ki phirtā hai ḳhayāl āñkhoñ meñ us dil-ḳhvāh kā
rañg-rū ke uḌne meñ 'ālam hai gard-e-rāh kā
safha-e-dil se uThā.ūñ kis tarah naqsh-e-sanam
mulk meñ hotā kisī ke ghar nahīñ allāh kā
kam-bizā.at se ḳhayāl-e-ḳhām hai kasrat ko faiz
iktifā kartā nahīñ lashkar ko paanī chaah kā
rāh-e-hastī meñ hai ruḳhsār-e-sanam se zindagī
tāza-dam kartā musāfir ko hai takiya raah kā
laash bhī galiyoñ meñ khiñchvā kar kiyā hai qatl-e-yār
tuul hī denā mazā hai qissa-e-kotāh kā
past fitrat se sivā.e ranj kuchh hāsil nahīñ
pā-ba-gil kashtī ko kar detā hai paanī thaah kā
chhoḌ kar 'ishq-e-sanam zāhid na ho maftūn-e-hūr
kab yaqīñ laatā hai daanā duur kī afvāh kā
dil ko abrū-e-sanam kā shefta kartī hai aañkh
dars detā hai mu'allim pahle bismillāh kā
ai sanam banda-navāzī hai sifat allāh kī
haif hai ḳhālī phire saa.il tirī dargāh kā
mā.il-e-māshūqa-e-ḳhusrav na ho ai kohkan
sher ke jhūTe ko khānā kaam hai rūbāh kā
josh ashk-e-ātishīñ kā bā'is āh-e-sard hai
garm kartī hai havā jaaḌe kī paanī chaah kā
naz' meñ aayā na bālīñ par mire yaar is liye
āḳhir-e-har-māh hai mā'mūl chhupnā maah kā
huuñ vo abtar tifl jis ko jaan khonā khel hai
kunj-e-marqad hai gharauñdā merī bāzī-gāh kā
āsmāñ rū-e-zamīñ hai yaar māh-e-chār-dah
halqa-e-ahbāb gird us ke hai haala maah kā
vo dahan hai chashma-e-shīrīñ tabassum mauj hai
vo zaqan hai chaah ḳhaal us meñ tavā hai chaah kā
nā-tavāñ merī tarah se hai jo ishq-e-husn se
koh se bhārī tarāzū meñ ho palla kaah kā
she'r kahtā huuñ maiñ ai 'ātish' ḳhudā kī hamd meñ
merī har ik bait par 'ālam hai baitullāh kā
سبزہ بالائے ذقن دشمن ہے خلق اللہ کا
رہ رووں کی موت ہے خس پوش ہونا چاہ کا
مل بٹھانا ہے فلک منظور کس دل خواہ کا
برج میزان میں نہیں بے وجہ آنا ماہ کا
بس کہ پھرتا ہے خیال آنکھوں میں اس دل خواہ کا
رنگ رو کے اڑنے میں عالم ہے گرد راہ کا
صفحۂ دل سے اٹھاؤں کس طرح نقش صنم
ملک میں ہوتا کسی کے گھر نہیں اللہ کا
کم بضاعت سے خیال خام ہے کثرت کو فیض
اکتفا کرتا نہیں لشکر کو پانی چاہ کا
راہ ہستی میں ہے رخسار صنم سے زندگی
تازہ دم کرتا مسافر کو ہے تکیہ راہ کا
لاش بھی گلیوں میں کھنچوا کر کیا ہے قتل یار
طول ہی دینا مزا ہے قصۂ کوتاہ کا
پست فطرت سے سوائے رنج کچھ حاصل نہیں
پا بہ گل کشتی کو کر دیتا ہے پانی تھاہ کا
چھوڑ کر عشق صنم زاہد نہ ہو مفتون حور
کب یقیں لاتا ہے دانا دور کی افواہ کا
دل کو ابروئے صنم کا شیفتہ کرتی ہے آنکھ
درس دیتا ہے معلم پہلے بسم اللہ کا
اے صنم بندہ نوازی ہے صفت اللہ کی
حیف ہے خالی پھرے سائل تری درگاہ کا
مائل معشوقۂ خسرو نہ ہو اے کوہ کن
شیر کے جھوٹے کو کھانا کام ہے روباہ کا
جوش اشک آتشیں کا باعث آہ سرد ہے
گرم کرتی ہے ہوا جاڑے کی پانی چاہ کا
نزع میں آیا نہ بالیں پر مرے یار اس لیے
آخر ہر ماہ ہے معمول چھپنا ماہ کا
ہوں وہ ابتر طفل جس کو جان کھونا کھیل ہے
کنج مرقد ہے گھروندا میری بازی گاہ کا
آسماں روئے زمیں ہے یار ماہ چار دہ
حلقۂ احباب گرد اس کے ہے ہالہ ماہ کا
وہ دہن ہے چشمۂ شیریں تبسم موج ہے
وہ ذقن ہے چاہ خال اس میں توا ہے چاہ کا
ناتواں میری طرح سے ہے جو عشق حسن سے
کوہ سے بھاری ترازو میں ہو پلہ کاہ کا
شعر کہتا ہوں میں اے آتشؔ خدا کی حمد میں
میری ہر اک بیت پر عالم ہے بیت اللہ کا