सबक़ ऐसा पढ़ा दिया तू ने
दिल से सब कुछ भुला दिया तू ने
हम निकम्मे हुए ज़माने के
काम ऐसा सिखा दिया तू ने
कुछ त'अल्लुक़ रहा न दुनिया से
शग़्ल ऐसा बता दिया तू ने
किस ख़ुशी की ख़बर सुना के मुझे
ग़म का पुतला बना दिया तू ने
क्या बताऊँ कि क्या लिया मैं ने
क्या कहूँ मैं कि क्या दिया तू ने
बे-तलब जो मिला मिला मुझ को
बे-ग़रज़ जो दिया दिया तू ने
उम्र-ए-जावेद ख़िज़्र को बख़्शी
आब-ए-हैवाँ पिला दिया तू ने
नार-ए-नमरूद को किया गुलज़ार
दोस्त को यूँ बचा दिया तू ने
दस्त-ए-मूसा में फ़ैज़ बख़्शिश है
नूर-ओ-लौह-ओ-असा दिया तू ने
सुब्ह मौज-ए-नसीम-ए-गुलशन को
नफ़स-ए-जाँ-फ़ज़ा दिया तू ने
शब-ए-तीरा में शम-ए-रौशन को
नूर ख़ुर्शीद का दिया तू ने
नग़्मा बुलबुल को रंग-ओ-बू गुल को
दिल-कश-ओ-ख़ुशनुमा दिया तू ने
कहीं मुश्ताक़ से हिजाब हुआ
कहीं पर्दा उठा दिया तू ने
था मिरा मुँह न क़ाबिल-ए-लब्बैक
का'बा मुझ को दिखा दिया तू ने
जिस क़दर मैं ने तुझ से ख़्वाहिश की
उस से मुझ को सिवा दिया तू ने
रहबर-ए-ख़िज़्र-ओ-हादी-ए-इल्यास
मुझ को वो रहनुमा दिया तू ने
मिट गए दिल से नक़्श-ए-बातिल सब
नक़्शा अपना जमा दिया तू ने
है यही राह-ए-मंज़िल-ए-मक़्सूद
ख़ूब रस्ते लगा दिया तू ने
मुझ गुनहगार को जो बख़्श दिया
तो जहन्नुम को क्या दिया तू ने
'दाग़' को कौन देने वाला था
जो दिया ऐ ख़ुदा दिया तू ने
sabaq aisā paḌhā diyā tū ne
dil se sab kuchh bhulā diyā tū ne
ham nikamme hue zamāne ke
kaam aisā sikhā diyā tū ne
kuchh ta'alluq rahā na duniyā se
shaġhl aisā batā diyā tū ne
kis ḳhushī kī ḳhabar sunā ke mujhe
ġham kā putlā banā diyā tū ne
kyā batā.ūñ ki kyā liyā maiñ ne
kyā kahūñ maiñ ki kyā diyā tū ne
be-talab jo milā milā mujh ko
be-ġharaz jo diyā diyā tū ne
umr-e-jāved ḳhizr ko baḳhshī
āb-e-haivāñ pilā diyā tū ne
nār-e-namrūd ko kiyā gulzār
dost ko yuuñ bachā diyā tū ne
dast-e-mūsā meñ faiz baḳhshish hai
nūr-o-lauh-o-asā diyā tū ne
sub.h mauj-e-nasīm-e-gulshan ko
nafas-e-jāñ-fazā diyā tū ne
shab-e-tīra meñ sham-e-raushan ko
nuur ḳhurshīd kā diyā tū ne
naġhma bulbul ko rañg-o-bū gul ko
dil-kash-o-ḳhushnumā diyā tū ne
kahīñ mushtāq se hijāb huā
kahīñ parda uThā diyā tū ne
thā mirā muñh na qābil-e-labbaik
kā'ba mujh ko dikhā diyā tū ne
jis qadar maiñ ne tujh se ḳhvāhish kī
us se mujh ko sivā diyā tū ne
rahbar-e-ḳhizr-o-hādī-e-ilyās
mujh ko vo rahnumā diyā tū ne
miT ga.e dil se naqsh-e-bātil sab
naqsha apnā jamā diyā tū ne
hai yahī rāh-e-manzil-e-maqsūd
ḳhuub raste lagā diyā tū ne
mujh gunahgār ko jo baḳhsh diyā
to jahannum ko kyā diyā tū ne
'dāġh' ko kaun dene vaalā thā
jo diyā ai ḳhudā diyā tū ne
سبق ایسا پڑھا دیا تو نے
دل سے سب کچھ بھلا دیا تو نے
ہم نکمے ہوئے زمانے کے
کام ایسا سکھا دیا تو نے
کچھ تعلق رہا نہ دنیا سے
شغل ایسا بتا دیا تو نے
کس خوشی کی خبر سنا کے مجھے
غم کا پتلا بنا دیا تو نے
کیا بتاؤں کہ کیا لیا میں نے
کیا کہوں میں کہ کیا دیا تو نے
بے طلب جو ملا ملا مجھ کو
بے غرض جو دیا دیا تو نے
عمر جاوید خضر کو بخشی
آب حیواں پلا دیا تو نے
نار نمرود کو کیا گلزار
دوست کو یوں بچا دیا تو نے
دست موسیٰ میں فیض بخشش ہے
نور و لوح و عصا دیا تو نے
صبح موج نسیم گلشن کو
نفس جاں فزا دیا تو نے
شب تیرہ میں شمع روشن کو
نور خورشید کا دیا تو نے
نغمہ بلبل کو رنگ و بو گل کو
دلکش و خوش نما دیا تو نے
کہیں مشتاق سے حجاب ہوا
کہیں پردہ اٹھا دیا تو نے
تھا مرا منہ نہ قابل لبیک
کعبہ مجھ کو دکھا دیا تو نے
جس قدر میں نے تجھ سے خواہش کی
اس سے مجھ کو سوا دیا تو نے
رہبر خضر و ہادی الیاس
مجھ کو وہ رہنما دیا تو نے
مٹ گئے دل سے نقش باطل سب
نقشہ اپنا جما دیا تو نے
ہے یہی راہ منزل مقصود
خوب رستے لگا دیا تو نے
مجھ گنہ گار کو جو بخش دیا
تو جہنم کو کیا دیا تو نے
داغؔ کو کون دینے والا تھا
جو دیا اے خدا دیا تو نے