सब तिरे सिवा काफ़िर आख़िर इस का मतलब क्या
सर फिरा दे इंसाँ का ऐसा ख़ब्त-ए-मज़हब क्या
इक इशारा-ए-फ़र्दा एक जुम्बिश-ए-लब क्या
देख दिखाता है वा'दा-ए-तज़ब्ज़ब क्या
चुल्लू-भर में मतवाली दो ही घूँट में ख़ाली
ये भरी जवानी क्या जज़्बा-ए-लबालब क्या
हाँ दुआएँ लेता जा गालियाँ भी देता जा
ताज़गी तो कुछ पहुँचे चाहता रहूँ लब क्या
शामत आ गई आख़िर कह गया ख़ुदा-लगती
रास्ती का फल पाता बंदा-ए-मुक़र्रब क्या
उल्टी-सीधी सुनता रह अपनी कह तो उल्टी कह
सादा है तू क्या जाने भाँपने का है ढब क्या
सब जिहाद हैं दिल के सब फ़साद हैं दिल के
बे-दिलों का मतलब क्या और तर्क-ए-मतलब क्या
हो रहेगा सज्दा भी जब किसी की याद आई
याद जाने कब आए ज़िंदा-दारी-ए-शब क्या
आँधियाँ रुकें क्यूँ कर ज़लज़ले थमीं क्यूँ कर
कार-गाह-ए-फ़ितरत में पासबानी-ए-रब क्या
कार-ए-मर्ग कै दिन का थोड़ी देर का झगड़ा
देखना है ये नादाँ जीने का है कर्तब क्या
पड़ चुके बहुत पाले डस चुके बहुत काले
मूज़ियों के मूज़ी को फ़िक्र-ए-नीश-ए-अक़रब क्या
मीरज़ा 'यगाना' वाह ज़िंदाबाद ज़िंदाबाद
इक बला-ए-बे-दरमाँ क्या थे तुम और अब क्या
sab tire sivā kāfir āḳhir is kā matlab kyā
sar phirā de insāñ kā aisā ḳhabt-e-maz.hab kyā
ik ishāra-e-fardā ek jumbish-e-lab kyā
dekh dikhātā hai va.ada-e-tazabzab kyā
chullū-bhar meñ matvālī do hī ghūñT meñ ḳhālī
ye bharī javānī kyā jazba-e-labā-lab kyā
haañ duā.eñ letā jā gāliyāñ bhī detā jā
tāzgī to kuchh pahuñche chāhtā rahūñ lab kyā
shāmat aa ga.ī āḳhir kah gayā ḳhudā-lagtī
rāstī kā phal paatā banda-e-muqarrab kyā
ulTī-sīdhī suntā rah apnī kah to ulTī kah
saada hai tū kyā jaane bhāñpne kā hai Dhab kyā
sab jihād haiñ dil ke sab fasād haiñ dil ke
be-diloñ kā matlab kyā aur tark-e-matlab kyā
ho rahegā sajda bhī jab kisī kī yaad aa.ī
yaad jaane kab aa.e zinda-dārī-e-shab kyā
āñdhiyāñ rukeñ kyuuñ kar zalzale thamīñ kyuuñ kar
kārgāh-e-fitrat meñ pāsbānī-e-rab kyā
kār-e-marg kai din kā thoḌī der kā jhagḌā
dekhnā hai ye nādāñ jiine kā hai kartab kyā
paḌ chuke bahut paale Das chuke bahut kaale
mūziyoñ ke muuzī ko fikr-e-nīsh-e-aqrab kyā
mīrzā 'yagānā' vaah zindabād zindabād
ik balā-e-be-darmāñ kyā the tum aur ab kyā
سب ترے سوا کافر آخر اس کا مطلب کیا
سر پھرا دے انساں کا ایسا خبط مذہب کیا
اک اشارۂ فردا ایک جنبش لب کیا
دیکھ دکھاتا ہے وعدہ تذبذب کیا
چلو بھر میں متوالی دو ہی گھونٹ میں خالی
یہ بھری جوانی کیا جذبۂ لبالب کیا
ہاں دعائیں لیتا جا گالیاں بھی دیتا جا
تازگی تو کچھ پہنچے چاہتا رہوں لب کیا
شامت آ گئی آخر کہہ گیا خدا لگتی
راستی کا پھل پاتا بندۂ مقرب کیا
الٹی سیدھی سنتا رہ اپنی کہہ تو الٹی کہہ
سادہ ہے تو کیا جانے بھانپنے کا ہے ڈھب کیا
سب جہاد ہیں دل کے سب فساد ہیں دل کے
بے دلوں کا مطلب کیا اور ترک مطلب کیا
ہو رہے گا سجدہ بھی جب کسی کی یاد آئی
یاد جانے کب آئے زندہ داریٔ شب کیا
آندھیاں رکیں کیوں کر زلزلے تھمیں کیوں کر
کارگاہ فطرت میں پاسبانیٔ رب کیا
کار مرگ کے دن کا تھوڑی دیر کا جھگڑا
دیکھنا ہے یہ ناداں جینے کا ہے کرتب کیا
پڑ چکے بہت پالے ڈس چکے بہت کالے
موذیوں کے موذی کو فکر نیش عقرب کیا
میرزا یگانہؔ واہ زندہ باد زندہ باد
اک بلائے بے درماں کیا تھے تم اور اب کیا