सब से यही कहता हूँ कि हाँ है मिरी जागीर
ये शौकत-ए-अल्फ़ाज़-ओ-बयाँ है मिरी जागीर
ये 'उम्र ही ऐसी है मिरे ख़्वाब बड़े हैं
ख़ुद मेरे लिए बार-ए-गराँ है मिरी जागीर
डरता हूँ किसी मोड़ पे छिन जाए न मुझ से
बचपन से जो एहसास-ए-ज़ियाँ है मिरी जागीर
बुझती हुई शामों के असासे हैं मिरे पास
अफ़्सुर्दा चराग़ों का धुआँ है मिरी जागीर
मैं तेरी इजाज़त से ये साबित भी करूँगा
ऐ दोस्त तिरा जिस्म-ए-जवाँ है मिरी जागीर
समझाते ही गुज़री है दिल-ए-नफ़'-तलब को
ला-हासिली-ए-'उम्र-ए-रवाँ है मिरी जागीर
तुम दिल की तरफ़ से न यहाँ नक़्ब लगाओ
ये आँख ये ख़्वाबों की दुकाँ है मिरी जागीर
क्या क्या मिरी सोचों के हरे पेड़ थे 'यावर'
अब नज़्र-ए-सितम-हा-ए-ख़िज़ाँ है मिरी जागीर
sab se yahī kahtā huuñ ki haañ hai mirī jāgīr
ye shaukat-e-alfāz-o-bayāñ hai mirī jāgīr
ye 'umr hī aisī hai mire ḳhvāb baḌe haiñ
ḳhud mere liye bār-e-garāñ hai mirī jāgīr
Dartā huuñ kisī moḌ pe chhin jaa.e na mujh se
bachpan se jo ehsās-e-ziyāñ hai mirī jāgīr
bujhtī huī shāmoñ ke asāse haiñ mire paas
afsurda charāġhoñ kā dhuāñ hai mirī jāgīr
maiñ terī ijāzat se ye sābit bhī karūñgā
ai dost tirā jism-e-javāñ hai mirī jāgīr
samjhāte hī guzrī hai dil-e-naf'-talab ko
lā-hāsilī-e-'umr-e-ravāñ hai mirī jāgīr
tum dil kī taraf se na yahāñ naqb lagāo
ye aañkh ye ḳhvāboñ kī dukāñ hai mirī jāgīr
kyā kyā mirī sochoñ ke hare peḌ the 'yāvar'
ab nazr-e-sitam-hā-e-ḳhizāñ hai mirī jāgīr
سب سے یہی کہتا ہوں کہ ہاں ہے مری جاگیر
یہ شوکت الفاظ و بیاں ہے مری جاگیر
یہ عمر ہی ایسی ہے مرے خواب بڑے ہیں
خود میرے لیے بار گراں ہے مری جاگیر
ڈرتا ہوں کسی موڑ پہ چھن جائے نہ مجھ سے
بچپن سے جو احساس زیاں ہے مری جاگیر
بجھتی ہوئی شاموں کے اثاثے ہیں مرے پاس
افسردہ چراغوں کا دھواں ہے مری جاگیر
میں تیری اجازت سے یہ ثابت بھی کروں گا
اے دوست ترا جسم جواں ہے مری جاگیر
سمجھاتے ہی گزری ہے دل نفع طلب کو
لا حاصلیٔ عمر رواں ہے مری جاگیر
تم دل کی طرف سے نہ یہاں نقب لگاؤ
یہ آنکھ یہ خوابوں کی دکاں ہے مری جاگیر
کیا کیا مری سوچوں کے ہرے پیڑ تھے یاورؔ
اب نذر ستم ہائے خزاں ہے مری جاگیر