सब से तुम अच्छे हो तुम से मिरी क़िस्मत अच्छी
यही कम-बख़्त दिखा देती है सूरत अच्छी
हुस्न-ए-मा'शूक़ से भी हुस्न-ए-सुख़न है कमयाब
एक होती है हज़ारों में तबीअ'त अच्छी
मेरी तस्वीर भी देखी तो कहा शर्मा कर
ये बुरा शख़्स है इस की नहीं निय्यत अच्छी
किस सफ़ाई से किया वस्ल का तू ने इंकार
इस महल पर तो ज़बाँ में तिरी लुक्नत अच्छी
जो हो आग़ाज़ में बेहतर वो ख़ुशी है बद-तर
जिस का अंजाम हो अच्छा वो मुसीबत अच्छी
तुम बताओ तो सही मेहर-ओ-मोहब्बत के गवाह
ऐसे दा'वे में तो झूटी ही शहादत अच्छी
ज़ोर-ओ-ज़र से भी कहीं 'दाग़' हसीं मिलते हैं
अपने नज़दीक तो है सब से इताअ'त अच्छी
sab se tum achchhe ho tum se mirī qismat achchhī
yahī kam-baḳht dikhā detī hai sūrat achchhī
husn-e-ma.ashūq se bhī husn-e-suḳhan hai kamyāb
ek hotī hai hazāroñ meñ tabī.at achchhī
merī tasvīr bhī dekhī to kahā sharmā kar
ye burā shaḳhs hai is kī nahīñ niyyat achchhī
kis safā.ī se kiyā vasl kā tū ne inkār
is mahal par to zabāñ meñ tirī luknat achchhī
jo ho āġhāz meñ behtar vo ḳhushī hai bad-tar
jis kā anjām ho achchhā vo musībat achchhī
tum batāo to sahī mehr-o-mohabbat ke gavāh
aise da.ave meñ to jhūTī hī shahādat achchhī
zor-o-zar se bhī kahīñ 'dāġh' hasīñ milte haiñ
apne nazdīk to hai sab se itā.at achchhī
سب سے تم اچھے ہو تم سے مری قسمت اچھی
یہی کم بخت دکھا دیتی ہے صورت اچھی
حسن معشوق سے بھی حسن سخن ہے کم یاب
ایک ہوتی ہے ہزاروں میں طبیعت اچھی
میری تصویر بھی دیکھی تو کہا شرما کر
یہ برا شخص ہے اس کی نہیں نیت اچھی
کس صفائی سے کیا وصل کا تو نے انکار
اس محل پر تو زباں میں تری لکنت اچھی
جو ہو آغاز میں بہتر وہ خوشی ہے بد تر
جس کا انجام ہو اچھا وہ مصیبت اچھی
تم بتاؤ تو سہی مہر و محبت کے گواہ
ایسے دعوے میں تو جھوٹی ہی شہادت اچھی
زور و زر سے بھی کہیں داغؔ حسیں ملتے ہیں
اپنے نزدیک تو ہے سب سے اطاعت اچھی