साज़ ये कीना-साज़ क्या जानें
नाज़ वाले नियाज़ क्या जानें
शम्अ'-रू आप गो हुए लेकिन
लुत्फ़-ए-सोज़-ओ-गुदाज़ क्या जानें
कब किसी दर की जब्हा-साई की
शैख़ साहब नमाज़ क्या जानें
जो रह-ए-इश्क़ में क़दम रक्खें
वो नशेब-ओ-फ़राज़ क्या जानें
पूछिए मय-कशों से लुत्फ़-ए-शराब
ये मज़ा पाक-बाज़ क्या जानें
बले चितवन तिरी ग़ज़ब री निगाह
क्या करेंगे ये नाज़ क्या जानें
जिन को अपनी ख़बर नहीं अब तक
वो मिरे दिल का राज़ क्या जानें
हज़रत-ए-ख़िज़्र जब शहीद न हों
लुत्फ़-ए-उम्र-ए-दराज़ क्या जानें
जो गुज़रते हैं 'दाग़' पर सदमे
आप बंदा-नवाज़ क्या जानें
saaz ye kīna-sāz kyā jāneñ
naaz vaale niyāz kyā jāneñ
sham.a-rū aap go hue lekin
lutf-e-soz-o-gudāz kyā jāneñ
kab kisī dar kī jab.ha-sā.ī kī
shaiḳh sāhab namāz kyā jāneñ
jo rah-e-ishq meñ qadam rakkheñ
vo nasheb-o-farāz kyā jāneñ
pūchhiye mai-kashoñ se lutf-e-sharāb
ye mazā pāk-bāz kyā jāneñ
bale chitvan tirī ġhazab rī nigāh
kyā kareñge ye naaz kyā jāneñ
jin ko apnī ḳhabar nahīñ ab tak
vo mire dil kā raaz kyā jāneñ
hazrat-e-ḳhizr jab shahīd na hoñ
lutf-e-umr-e-darāz kyā jāneñ
jo guzarte haiñ 'dāġh' par sadme
aap banda-navāz kyā jāneñ
ساز یہ کینہ ساز کیا جانیں
ناز والے نیاز کیا جانیں
شمع رو آپ گو ہوئے لیکن
لطف سوز و گداز کیا جانیں
کب کسی در کی جبہہ سائی کی
شیخ صاحب نماز کیا جانیں
جو رہ عشق میں قدم رکھیں
وہ نشیب و فراز کیا جانیں
پوچھئے مے کشوں سے لطف شراب
یہ مزا پاکباز کیا جانیں
بلے چتون تری غضب ری نگاہ
کیا کریں گے یہ ناز کیا جانیں
جن کو اپنی خبر نہیں اب تک
وہ مرے دل کا راز کیا جانیں
حضرت خضر جب شہید نہ ہوں
لطف عمر دراز کیا جانیں
جو گزرتے ہیں داغؔ پر صدمے
آپ بندہ نواز کیا جانیں