साया अगर नसीब हो दीवार-ए-यार का
क्या मर्तबा बुलंद हो अपने मज़ार का
वो दश्त-ए-हौलनाक वो हुब्ब-ए-वतन का जोश
फिर फिर के देखना वो किसी बे-दयार का
लौ दे रही है शाम से आज आह-ए-आतिशीं
शोला भड़क रहा है दिल-ए-दाग़दार का
तस्वीर-ए-नज़अ देखना चाहो तो देख लो
रह रह के झिलमिलाना चराग़-ए-मज़ार का
पर तौलने लगे फिर असीरान-ए-बद-नसीब
शायद क़रीब आ गया मौसम बहार का
मू-ए-सफ़ेद काँपते हाथ और जाम-ए-मय
दिखला रहे हैं रंग ख़िज़ाँ में बहार का
अंगड़ाइयों के साथ कहीं दम निकल न जाए
आसाँ नहीं है रंज उठाना ख़ुमार का
साक़ी गिरा न दीजियो ये जाम-ए-आख़िरी
दिल टूट जाएगा किसी उम्मीद-वार का
मस्तों की रूहें भटकेंगी अच्छा नहीं है अब
घिर-घिर के आना क़ब्रों पर अब्र-ए-बहार का
देखो तो अपने वहशियों की जामा-ज़ेबियाँ
अल्लाह रे हुस्न पैरहन-ए-तार-तार का
जुर्म-ए-गुज़िश्ता अफ़्व कुन ओ माजरा मपुर्स
मारा हुआ हूँ इस दिल-ए-बे-इख़्तियार का
दुनिया से 'यास' जाने को जी चाहता नहीं
अल्लाह रे हुस्न गुलशन-ए-ना-पाएदार का
saaya agar nasīb ho dīvār-e-yār kā
kyā martaba buland ho apne mazār kā
vo dasht-e-haulnāk vo hubb-e-vatan kā josh
phir phir ke dekhnā vo kisī be-dayār kā
lau de rahī hai shaam se aaj āh-e-ātishīñ
shola bhaḌak rahā hai dil-e-dāġhdār kā
tasvīr-e-naza.a dekhnā chāho to dekh lo
rah rah ke jhilmilānā charāġh-e-mazār kā
par taulne lage phir asīrān-e-bad-nasīb
shāyad qarīb aa gayā mausam bahār kā
mū-e-safed kāñpte haath aur jām-e-mai
dikhlā rahe haiñ rañg ḳhizāñ meñ bahār kā
añgḌā.iyoñ ke saath kahīñ dam nikal na jaa.e
āsāñ nahīñ hai ranj uThānā ḳhumār kā
saaqī girā na dījiyo ye jām-e-āḳhirī
dil TuuT jā.egā kisī ummīd-vār kā
mastoñ kī rūheñ bhaTkeñgī achchhā nahīñ hai ab
ghir-ghir ke aanā qabroñ par abr-e-bahār kā
dekho to apne vahshiyoñ kī jāma-zebīyāñ
allāh re husn pairahan-e-tār-tār kā
jurm-e-guzishta afv kun o mājrā mapurs
maarā huā huuñ is dil-e-be-iḳhtiyār kā
duniyā se 'yās' jaane ko jī chāhtā nahīñ
allāh re husn gulshan-e-nā-pā.edār kā
سایہ اگر نصیب ہو دیوار یار کا
کیا مرتبہ بلند ہو اپنے مزار کا
وہ دشت ہولناک وہ حب وطن کا جوش
پھر پھر کے دیکھنا وہ کسی بے دیار کا
لو دے رہی ہے شام سے آج آہ آتشیں
شعلہ بھڑک رہا ہے دل داغ دار کا
تصویر نزع دیکھنا چاہو تو دیکھ لو
رہ رہ کے جھلملانا چراغ مزار کا
پر تولنے لگے پھر اسیران بدنصیب
شاید قریب آ گیا موسم بہار کا
موئے سفید کانپتے ہاتھ اور جام مے
دکھلا رہے ہیں رنگ خزاں میں بہار کا
انگڑائیوں کے ساتھ کہیں دم نکل نہ جائے
آساں نہیں ہے رنج اٹھانا خمار کا
ساقی گرا نہ دیجیو یہ جام آخری
دل ٹوٹ جائے گا کسی امیدوار کا
مستوں کی روحیں بھٹکیں گی اچھا نہیں ہے اب
گھرگھر کے آنا قبروں پر ابر بہار کا
دیکھو تو اپنے وحشیوں کی جامہ زیبیاں
اللہ رے حسن پیرہن تار تار کا
جرم گزشتہ عفو کن و ماجرا مپرس
مارا ہوا ہوں اس دل بے اختیار کا
دنیا سے یاسؔ جانے کو جی چاہتا نہیں
اللہ رے حسن گلشن ناپائیدار کا