साक़िया अब्र है दे जाम शिताब एक पर एक
आज महफ़िल में गिरे मस्त-ए-शराब एक पर एक
गुल-ए-बाज़ी है हसीनों में मिरा अफ़्साना
फेंक देता है मोहब्बत की किताब एक पर एक
जोश पर है जो तिरा हुस्न तो ऐ पर्दा-नशीं
रोज़ करता है ग़ज़ब बंद-ए-नक़ाब एक पर एक
तोड़ इस तरह से ऐ नाला-ए-दिल सातों फ़लक
कि गिरें टूट के ये ख़ाना-ख़राब एक पर एक
लब-ए-जू सैर को आया है जो वो बहर-ए-जमाल
टूटा पड़ता है तमाशे को हबाब एक पर एक
याद आती है उन्हें दम-ब-दम इक बात नई
रोज़ आता है मिरे ख़त का जवाब एक पर एक
जब कभी 'दाग़' किया हम ने सवाल-ए-बोसा
सैकड़ों उस ने दिए सख़्त जवाब एक पर एक
sāqiyā abr hai de jaam shitāb ek par ek
aaj mahfil meñ gire mast-e-sharāb ek par ek
gul-e-bāzī hai hasīnoñ meñ mirā afsāna
pheñk detā hai mohabbat kī kitāb ek par ek
josh par hai jo tirā husn to ai parda-nashīñ
roz kartā hai ġhazab band-e-naqāb ek par ek
toḌ is tarah se ai nāla-e-dil sātoñ falak
ki gireñ TuuT ke ye ḳhāna-ḳharāb ek par ek
lab-e-jū sair ko aaya hai jo vo bahr-e-jamāl
TuuTā paḌtā hai tamāshe ko habāb ek par ek
yaad aatī hai unheñ dam-ba-dam ik baat na.ī
roz aatā hai mire ḳhat kā javāb ek par ek
jab kabhī 'dāġh' kiyā ham ne savāl-e-bosa
saikḌoñ us ne diye saḳht javāb ek par ek
ساقیا ابر ہے دے جام شتاب ایک پر ایک
آج محفل میں گرے مست شراب ایک پر ایک
گل بازی ہے حسینوں میں مرا افسانہ
پھینک دیتا ہے محبت کی کتاب ایک پر ایک
جوش پر ہے جو ترا حسن تو اے پردہ نشیں
روز کرتا ہے غضب بند نقاب ایک پر ایک
توڑ اس طرح سے اے نالۂ دل ساتوں فلک
کہ گریں ٹوٹ کے یہ خانہ خراب ایک پر ایک
لب جو سیر کو آیا ہے جو وہ بحر جمال
ٹوٹا پڑتا ہے تماشے کو حباب ایک پر ایک
یاد آتی ہے انہیں دم بہ دم اک بات نئی
روز آتا ہے مرے خط کا جواب ایک پر ایک
جب کبھی داغؔ کیا ہم نے سوال بوسہ
سیکڑوں اس نے دئے سخت جواب ایک پر ایک