सानेहा क़िस्मतों के दरीचों में लपकेगा छुप जाएगा बात टल जाएगी
सब मुसाफ़िर घरों को पलट जाएँगे ग़म की वहशत ख़ुशी में बदल जाएगी
हम सितारों की मानिंद टूटेंगे और आसमाँ पर लकीरें बना जाएँगे
मौत का रक़्स करती हुई एक साअ'त रुकेगी कहीं फिर सँभल जाएगी
सारे बिखरे हुए लफ़्ज़ कोई उठा लाएगा आन की आन में और फिर
उलझी उलझी ज़बाँ अपनी तरतीब बदलेगी और इक कहानी में ढल जाएगी
एक दिन हम इरादा करेंगे कि अब अपने ख़्वाबों की क़ीमत नहीं लेंगे हम
एक दिन हम बदल जाएँगे और फिर ख़ुद-बख़ुद सारी दुनिया बदल जाएगी
जब सितारे बुझेंगे तो शब के समुंदर में लहरों का रुख़ देखने के लिए
सुब्ह-ए-काज़िब की आँखें अचानक खुलेंगी बशारत की क़िंदील जल जाएगी
दर्द की लौ की मद्धम हरारत के पहलू में पत्थर का दिल भी तड़ख़ जाएगा
ये जो लोहे की दीवार अतराफ़-ए-जाँ खींच रखी है ये भी पिघल जाएगी
ये भी होगा कि दिल ऐसे हो जाएगा जैसे इस में कोई आरज़ू ही न थी
इतना ख़ाली ये हो जाएगा ख़ाली होने की दिल से ख़लिश भी निकल जाएगी
sāneha qismatoñ ke darīchoñ meñ lapkegā chhup jā.egā baat Tal jā.egī
sab musāfir gharoñ ko palaT jā.eñge ġham kī vahshat ḳhushī meñ badal jā.egī
ham sitāroñ kī mānind TūTeñge aur āsmāñ par lakīreñ banā jā.eñge
maut kā raqs kartī huī ek saa.at rukegī kahīñ phir sambhal jā.egī
saare bikhre hue lafz koī uThā lā.egā aan kī aan meñ aur phir
uljhī uljhī zabāñ apnī tartīb badlegī aur ik kahānī meñ Dhal jā.egī
ek din ham irāda kareñge ki ab apne ḳhvāboñ kī qīmat nahīñ leñge ham
ek din ham badal jā.eñge aur phir ḳhud-baḳhud saarī duniyā badal jā.egī
jab sitāre bujheñge to shab ke samundar meñ lahroñ kā ruḳh dekhne ke liye
sub.h-e-kāzib kī āñkheñ achānak khuleñgī bashārat kī qindīl jal jā.egī
dard kī lau kī maddham harārat ke pahlū meñ patthar kā dil bhī taḌaḳh jā.egā
ye jo lohe kī dīvār atrāf-e-jāñ khīñch rakhī hai ye bhī pighal jā.egī
ye bhī hogā ki dil aise ho jā.egā jaise is meñ koī aarzū hī na thī
itnā ḳhālī ye ho jā.egā ḳhālī hone kī dil se ḳhalish bhī nikal jā.egī
سانحہ قسمتوں کے دریچوں میں لپکے گا چھپ جائے گا بات ٹل جائے گی
سب مسافر گھروں کو پلٹ جائیں گے غم کی وحشت خوشی میں بدل جائے گی
ہم ستاروں کی مانند ٹوٹیں گے اور آسماں پر لکیریں بنا جائیں گے
موت کا رقص کرتی ہوئی ایک ساعت رکے گی کہیں پھر سنبھل جائے گی
سارے بکھرے ہوئے لفظ کوئی اٹھا لائے گا آن کی آن میں اور پھر
الجھی الجھی زباں اپنی ترتیب بدلے گی اور اک کہانی میں ڈھل جائے گی
ایک دن ہم ارادہ کریں گے کہ اب اپنے خوابوں کی قیمت نہیں لیں گے ہم
ایک دن ہم بدل جائیں گے اور پھر خود بخود ساری دنیا بدل جائے گی
جب ستارے بجھیں گے تو شب کے سمندر میں لہروں کا رخ دیکھنے کے لیے
صبح کاذب کی آنکھیں اچانک کھلیں گی بشارت کی قندیل جل جائے گی
درد کی لو کی مدھم حرارت کے پہلو میں پتھر کا دل بھی تڑخ جائے گا
یہ جو لوہے کی دیوار اطراف جاں کھینچ رکھی ہے یہ بھی پگھل جائے گی
یہ بھی ہوگا کہ دل ایسے ہو جائے گا جیسے اس میں کوئی آرزو ہی نہ تھی
اتنا خالی یہ ہو جائے گا خالی ہونے کی دل سے خلش بھی نکل جائے گی