दरिया की रवानी वही दहशत भी वही है
और डूबते लम्हात की सूरत भी वही है
अल्फ़ाज़ भी लिक्खे हैं वही नोक-ए-क़लम ने
औराक़ पे फैली हुई रंगत भी वही है
क्यूँ उस का सरापा न हुआ नक़्श-ब-दीवार
जब मैं भी वही हूँ मिरी हैरत भी वही है
क्यूँ बर्फ़ सी पड़ती है कहीं शहर-ए-दरूँ पर
जब मुज़्दा-ए-ख़ुर्शीद में हिद्दत भी वही है
क्यूँ ढूँडने निकले हैं नए ग़म का ख़ज़ीना
जब दिल भी वही दर्द की दौलत भी वही है
रस्ते से मिरी जंग भी जारी है अभी तक
और पाँव तले ज़ख़्म की वहशत भी वही है
ता-उम्र निगाहों के लिए एक सा मंज़र
साए की तरह साए की क़ीमत भी वही है
dariyā kī ravānī vahī dahshat bhī vahī hai
aur Dūbte lamhāt kī sūrat bhī vahī hai
alfāz bhī likkhe haiñ vahī nok-e-qalam ne
aurāq pe phailī huī rañgat bhī vahī hai
kyuuñ us kā sarāpā na huā naqsh-ba-dīvār
jab maiñ bhī vahī huuñ mirī hairat bhī vahī hai
kyuuñ barf sī paḌtī hai kahīñ shahr-e-darūñ par
jab muzhda-e-ḳhurshīd meñ hiddat bhī vahī hai
kyuuñ DhūñDne nikle haiñ na.e ġham kā ḳhazīna
jab dil bhī vahī dard kī daulat bhī vahī hai
raste se mirī jañg bhī jaarī hai abhī tak
aur paañv tale zaḳhm kī vahshat bhī vahī hai
tā-umr nigāhoñ ke liye ek sā manzar
saa.e kī tarah saa.e kī qīmat bhī vahī hai
دریا کی روانی وہی دہشت بھی وہی ہے
اور ڈوبتے لمحات کی صورت بھی وہی ہے
الفاظ بھی لکھے ہیں وہی نوک قلم نے
اوراق پہ پھیلی ہوئی رنگت بھی وہی ہے
کیوں اس کا سراپا نہ ہوا نقش بہ دیوار
جب میں بھی وہی ہوں مری حیرت بھی وہی ہے
کیوں برف سی پڑتی ہے کہیں شہر دروں پر
جب مژدۂ خورشید میں حدت بھی وہی ہے
کیوں ڈھونڈنے نکلے ہیں نئے غم کا خزینہ
جب دل بھی وہی درد کی دولت بھی وہی ہے
رستے سے مری جنگ بھی جاری ہے ابھی تک
اور پاؤں تلے زخم کی وحشت بھی وہی ہے
تا عمر نگاہوں کے لیے ایک سا منظر
سائے کی طرح سائے کی قیمت بھی وہی ہے