अता-ए-अब्र से इंकार करना चाहिए था
मैं सहरा थी मुझे इक़रार करना चाहिए था
लहू की आँच देनी चाहिए थी फ़ैसले को
उसे फिर नक़्श-बर-दीवार करना चाहिए था
अगर लफ़्ज़ ओ बयाँ साकित खड़े थे दूसरी सम्त
हमीं को रंज का इज़हार करना चाहिए था
अगर इतनी मुक़द्दम थी ज़रूरत रौशनी की
तो फिर साए से अपने प्यार करना चाहिए था
समुंदर हो तो उस में डूब जाना भी रवा है
मगर दरियाओं को तो पार करना चाहिए था
दिल-ए-ख़ुश-फ़हम को सुब्ह सफ़र की रौशनी में
शब-ए-ग़म के लिए तय्यार करना चाहिए था
शिकस्त-ए-ज़िंदगी का अक्स बन कर रह गया है
वही लम्हा जिसे शहकार करना चाहिए था
atā-e-abr se inkār karnā chāhiye thā
maiñ sahrā thī mujhe iqrār karnā chāhiye thā
lahū kī aañch denī chāhiye thī faisle ko
use phir naqsh-bar-dīvār karnā chāhiye thā
agar lafz o bayāñ sākit khaḌe the dūsrī samt
hamīñ ko ranj kā iz.hār karnā chāhiye thā
agar itnī muqaddam thī zarūrat raushnī kī
to phir saa.e se apne pyaar karnā chāhiye thā
samundar ho to us meñ Duub jaanā bhī ravā hai
magar dariyāoñ ko to paar karnā chāhiye thā
dil-e-ḳhush-fahm ko sub.h safar kī raushnī meñ
shab-e-ġham ke liye tayyār karnā chāhiye thā
shikast-e-zindagī kā aks ban kar rah gayā hai
vahī lamha jise shahkār karnā chāhiye thā
عطائے ابر سے انکار کرنا چاہیئے تھا
میں صحرا تھی مجھے اقرار کرنا چاہیئے تھا
لہو کی آنچ دینی چاہیئے تھی فیصلے کو
اسے پھر نقش بر دیوار کرنا چاہیئے تھا
اگر لفظ و بیاں ساکت کھڑے تھے دوسری سمت
ہمیں کو رنج کا اظہار کرنا چاہیئے تھا
اگر اتنی مقدم تھی ضرورت روشنی کی
تو پھر سائے سے اپنے پیار کرنا چاہیئے تھا
سمندر ہو تو اس میں ڈوب جانا بھی روا ہے
مگر دریاؤں کو تو پار کرنا چاہیئے تھا
دل خوش فہم کو صبح سفر کی روشنی میں
شب غم کے لیے تیار کرنا چاہیئے تھا
شکست زندگی کا عکس بن کر رہ گیا ہے
وہی لمحہ جسے شہکار کرنا چاہیئے تھا