साए हैं गोश-बर-आवाज़ ज़रा आहिस्ता
मोनिसो आज की शब ज़िक्र-ए-वफ़ा आहिस्ता
चाँद के पाँव रुके थम गए उड़ते बादल
ज़िक्र किस आरिज़-ओ-गेसू का चला आहिस्ता
कितने दिन आए कफ़न ओढ़े हुए ख़्वाबों का
शब ने खोली तिरी यादों की क़बा आहिस्ता
क्या ख़बर अगले बरस अजनबी हो जाएँ हम
टूटते जाते हैं पैमान-ए-वफ़ा आहिस्ता
आज फिर ज़ख़्म-ए-तमन्ना से महक उठती है
कोई पैग़ाम लिए आई सबा आहिस्ता
आँख ने देखा न हो दिल तो मगर जाने है
कौन देता है दरीचों पे सदा आहिस्ता
saa.e haiñ gosh-bar-āvāz zarā āhista
moniso aaj kī shab zikr-e-vafā āhista
chāñd ke paañv ruke tham ga.e uḌte bādal
zikr kis āriz-o-gesū kā chalā āhista
kitne din aa.e kafan oḌhe hue ḳhvāboñ kā
shab ne kholī tirī yādoñ kī qabā āhista
kyā ḳhabar agle baras ajnabī ho jaa.eñ ham
TūTte jaate haiñ paimān-e-vafā āhista
aaj phir zaḳhm-e-tamannā se mahak uThtī hai
koī paiġhām liye aa.ī sabā āhista
aañkh ne dekhā na ho dil to magar jaane hai
kaun detā hai darīchoñ pe sadā āhista
سائے ہیں گوش بر آواز ذرا آہستہ
مونسو آج کی شب ذکر وفا آہستہ
چاند کے پاؤں رکے تھم گئے اڑتے بادل
ذکر کس عارض و گیسو کا چلا آہستہ
کتنے دن آئے کفن اوڑھے ہوئے خوابوں کا
شب نے کھولی تری یادوں کی قبا آہستہ
کیا خبر اگلے برس اجنبی ہو جائیں ہم
ٹوٹتے جاتے ہیں پیمان وفا آہستہ
آج پھر زخم تمنا سے مہک اٹھتی ہے
کوئی پیغام لیے آئی صبا آہستہ
آنکھ نے دیکھا نہ ہو دل تو مگر جانے ہے
کون دیتا ہے دریچوں پہ صدا آہستہ