रोज़ सर-ए-राह उस का मिलना मुमकिन है मजबूरी हो
लेकिन अब तो यूँ लगता है जैसे बहुत ज़रूरी हो
दिल पर बादल सा बरसा है उस की साँवली रंगत का
मौसम के खुलने पर देखें दूरी हो कि हुज़ूरी हो
वस्ल की 'अर्ज़ी पर वो ग़ौर अब कर ही लें तो बेहतर है
क्या मा'लूम कहाँ होंगे हम जब उस की मंज़ूरी हो
गुमनामी के जीने से उस पर मर जाना अच्छा है
हम भी किसी शुमार में आएँ अपनी भी मश्हूरी हो
काम न जिस दिन मिले हमारा चूल्हा ठंडा रहता है
रोज़गार ही अपना अगर मोहब्बत की मज़दूरी हो
सारे शह्र से बद-गुमाँ तो हो नहीं सकता वो लेकिन
कुछ कोशिश तो करनी चाहिए पूरी हो कि अधूरी हो
इक दिन सो कर उट्ठें तो नक़्शा ही कुछ ऐसा हो 'ज़फ़र'
नीलो नील ज़मीं की रंगत आसमान की भूरी हो
roz sar-e-rāh us kā milnā mumkin hai majbūrī ho
lekin ab to yuuñ lagtā hai jaise bahut zarūrī ho
dil par bādal sā barsā hai us kī sāñvlī rangat kā
mausam ke khulne par dekheñ duurī ho ki huzūrī ho
vasl kī 'arzī par vo ġhaur ab kar hī leñ to behtar hai
kyā mā'lūm kahāñ hoñge ham jab us kī manzūrī ho
gumnāmī ke jiine se us par mar jaanā achchhā hai
ham bhī kisī shumār meñ aa.eñ apnī bhī mash.hūrī ho
kaam na jis din mile hamārā chūlhā ThanDā rahtā hai
rozgār hī apnā agar mohabbat kī mazdūrī ho
saare shahr se bad-gumāñ to ho nahīñ saktā vo lekin
kuchh koshish to karnī chāhiye puurī ho ki adhūrī ho
ik din so kar uTTheñ to naqsha hī kuchh aisā ho 'zafar'
niilo niil zamīñ kī rangat āsmān kī bhūrī ho
روز سر راہ اس کا ملنا ممکن ہے مجبوری ہو
لیکن اب تو یوں لگتا ہے جیسے بہت ضروری ہو
دل پر بادل سا برسا ہے اس کی سانولی رنگت کا
موسم کے کھلنے پر دیکھیں دوری ہو کہ حضوری ہو
وصل کی عرضی پر وہ غور اب کر ہی لیں تو بہتر ہے
کیا معلوم کہاں ہوں گے ہم جب اس کی منظوری ہو
گمنامی کے جینے سے اوس پر مر جانا اچھا ہے
ہم بھی کسی شمار میں آئیں اپنی بھی مشہوری ہو
کام نہ جس دن ملے ہمارا چولہا ٹھنڈا رہتا ہے
روزگار ہی اپنا اگر محبت کی مزدوری ہو
سارے شہر سے بدگماں تو ہو نہیں سکتا وہ لیکن
کچھ کوشش تو کرنی چاہیے پوری ہو کہ ادھوری ہو
اک دن سو کر اٹھیں تو نقشہ ہی کچھ ایسا ہو ظفرؔ
نیلو نیل زمیں کی رنگت آسمان کی بھوری ہو