रोज़-ए-मौलूद से साथ अपने हुआ ग़म पैदा
लाला-साँ दाग़ उठाने को हुए हम पैदा
हूँ मैं वो नख़्ल कि हर शाख़ मिरी आरा है
हूँ मैं वो शाख़ कि हों बर्ग-ए-तबरदम पैदा
मैं जो रोता हूँ मिरे ज़ख़्म-ए-जिगर हँसते हैं
शादी ओ ग़म से क्या है मुझ तौअम पैदा
चाहने वाले हज़ारों नए मौजूद हुए
ख़त ने उस गुल के किया और ही 'आलम पैदा
दर्द सर में हो किसी के तो मिरे दिल में हो दर्द
वास्ते मेरे हुआ है ग़म-ए-आलम पैदा
ज़ख़्म-ए-ख़ंदाँ हैं ब-'ऐनिह लब-ए-ख़ंदाँ अपने
शादमानी में है याँ हालत-ए-मातम पैदा
आसमाँ शौक़ से तलवारों का मेंह बरसा दे
मह-ए-नौ ने तिरे अबरू का किया ख़म पैदा
काम अपना न हुआ जब कजी-ए-अबरू से
गेसू-ए-यार हुए दरहम-ओ-बरहम पैदा
शुबह होता है सदफ़ का मुझे हर ग़ुंचे पर
कहीं मोती न करें क़तरा-ए-शबनम पैदा
चुप रहो दूर करो मुँह न मिरा खुलवाओ
ग़ाफ़िलो ज़ख़्म-ए-ज़बाँ का नहीं मरहम पैदा
क़ुल्ज़ुम-ए-फ़िक्र में हर-चंद लगाए ग़ोते
दुर-ए-मज़मूँ कोई यारों से हुआ कम पैदा
दोस्त ही दुश्मन-ए-जाँ हो गया अपना 'आतिश'
नोश-दारों ने किया याँ असर-ए-सम पैदा
roz-e-maulūd se saath apne huā ġham paidā
lāla-sāñ daaġh uThāne ko hue ham paidā
huuñ maiñ vo naḳhl ki har shāḳh mirī aarā hai
huuñ maiñ vo shāḳh ki hoñ barg-e-tabardam paidā
maiñ jo rotā huuñ mire zaḳhm-e-jigar hañste haiñ
shādī o ġham se kyā hai mujh tauam paidā
chāhne vaale hazāroñ na.e maujūd hue
ḳhat ne us gul ke kiyā aur hī 'ālam paidā
dard sar meñ ho kisī ke to mire dil meñ ho dard
vāste mere huā hai ġham-e-ālam paidā
zaḳhm-e-ḳhandāñ haiñ ba-'ainih lab-e-ḳhandāñ apne
shādmānī meñ hai yaañ hālat-e-mātam paidā
āsmāñ shauq se talvāroñ kā meñh barsā de
mah-e-nau ne tire abrū kā kiyā ḳham paidā
kaam apnā na huā jab kajī-e-abrū se
gesū-e-yār hue darham-o-barham paidā
shub.h hotā hai sadaf kā mujhe har ġhunche par
kahīñ motī na kareñ qatra-e-shabnam paidā
chup raho duur karo muñh na mirā khulvāo
ġhāfilo zaḳhm-e-zabāñ kā nahīñ marham paidā
qulzum-e-fikr meñ har-chand lagā.e ġhote
dur-e-mazmūñ koī yāroñ se huā kam paidā
dost hī dushman-e-jāñ ho gayā apnā 'ātish'
nosh-dāroñ ne kiyā yaañ asar-e-sam paidā
روز مولود سے ساتھ اپنے ہوا غم پیدا
لالہ ساں داغ اٹھانے کو ہوئے ہم پیدا
ہوں میں وہ نخل کہ ہر شاخ مری آرا ہے
ہوں میں وہ شاخ کہ ہوں برگ تبردم پیدا
میں جو روتا ہوں مرے زخم جگر ہنستے ہیں
شادی و غم سے کیا ہے مجھ توام پیدا
چاہنے والے ہزاروں نئے موجود ہوئے
خط نے اس گل کے کیا اور ہی عالم پیدا
درد سر میں ہو کسی کے تو مرے دل میں ہو درد
واسطے میرے ہوا ہے غم عالم پیدا
زخم خنداں ہیں بعینہ لب خنداں اپنے
شادمانی میں ہے یاں حالت ماتم پیدا
آسماں شوق سے تلواروں کا مینہ برسا دے
مہ نو نے ترے ابرو کا کیا خم پیدا
کام اپنا نہ ہوا جب کجیٔ ابرو سے
گیسوئے یار ہوئے درہم و برہم پیدا
شبہ ہوتا ہے صدف کا مجھے ہر غنچے پر
کہیں موتی نہ کریں قطرۂ شبنم پیدا
چپ رہو دور کرو منہ نہ مرا کھلواؤ
غافلو زخم زباں کا نہیں مرہم پیدا
قلزم فکر میں ہر چند لگائے غوطے
در مضموں کوئی یاروں سے ہوا کم پیدا
دوست ہی دشمن جاں ہو گیا اپنا آتشؔ
نوش داروں نے کیا یاں اثر سم پیدا