रौनक़-ए-दामन-ए-सद-चाक कहाँ से लाएँ
शहर में दश्त की पोशाक कहाँ से लाएँ
हालत-ए-जज़्ब में इदराक कहाँ से लाएँ
ज़हर के वास्ते तिरयाक कहाँ से लाएँ
गर्द-हा-ए-ख़स-ओ-ख़ाशाक कहाँ से लाएँ
इस क़दर गर्दिश-ए-अफ़्लाक कहाँ से लाएँ
पानी ले आए हैं अब एक नई उलझन है
कूज़ा-गर तेरे लिए ख़ाक कहाँ से लाएँ
चेहरा-मोहरा तो बहर-हाल दमक ही लेगा
ताबिश-ए-चश्मा-ए-नम-नाक कहाँ से लाएँ
तुझ को बिल्कुल नहीं एहसास-ए-हुनर ऐ दरिया
अब तिरे वास्ते तैराक कहाँ से लाएँ
ख़ाक-ज़ादे हैं सो बस एक ही रंगत है नसीब
ख़ुद में सद-रंगी-ए-अफ़्लाक कहाँ से लाएँ
हम भी जी भर के तुझे कोसते फिरते लेकिन
हम तिरा लहजा-ए-बे-बाक कहाँ से लाएँ
raunaq-e-dāman-e-sad-chāk kahāñ se laa.eñ
shahr meñ dasht kī poshāk kahāñ se laa.eñ
hālat-e-jazb meñ idrāk kahāñ se laa.eñ
zahr ke vāste tiryāk kahāñ se laa.eñ
gard-hā-e-ḳhas-o-ḳhāshāk kahāñ se laa.eñ
is qadar gardish-e-aflāk kahāñ se laa.eñ
paanī le aa.e haiñ ab ek na.ī uljhan hai
kūza-gar tere liye ḳhaak kahāñ se laa.eñ
chehrā-mohrā to bahar-hāl damak hī legā
tābish-e-chashma-e-nam-nāk kahāñ se laa.eñ
tujh ko bilkul nahīñ ehsās-e-hunar ai dariyā
ab tire vāste tairāk kahāñ se laa.eñ
ḳhāk-zāde haiñ so bas ek hī rañgat hai nasīb
ḳhud meñ sad-rañgī-e-aflāk kahāñ se laa.eñ
ham bhī jī bhar ke tujhe koste phirte lekin
ham tirā lahja-e-be-bāk kahāñ se laa.eñ
رونق دامن صد چاک کہاں سے لائیں
شہر میں دشت کی پوشاک کہاں سے لائیں
حالت جذب میں ادراک کہاں سے لائیں
زہر کے واسطے تریاک کہاں سے لائیں
گرد ہائے خس و خاشاک کہاں سے لائیں
اس قدر گردش افلاک کہاں سے لائیں
پانی لے آئے ہیں اب ایک نئی الجھن ہے
کوزہ گر تیرے لیے خاک کہاں سے لائیں
چہرہ مہرہ تو بہرحال دمک ہی لے گا
تابش چشمۂ ناک کہاں سے لائیں
تجھ کو بالکل نہیں احساس ہنر اے دریا
اب ترے واسطے تیراک کہاں سے لائیں
خاک زادے ہیں سو بس ایک ہی رنگت ہے نصیب
خود میں صد رنگیٔ افلاک کہاں سے لائیں
ہم بھی جی بھر کے تجھے کوستے پھرتے لیکن
ہم ترا لہجۂ بے باک کہاں سے لائیں