रसन-ओ-दार से या कू-ए-बुताँ से उट्ठे
फ़ित्ना हर हाल में फ़ित्ना है जहाँ से उट्ठे
कितने जाँ-सोज़ ओ दिल-आवेज़ हैं वो नग़्मे भी
शो'ला बन कर जो मिरे हुस्न-ए-बयाँ से उट्ठे
दोनों आलम में कहीं उन को ठिकाना न मिला
जो तिरी बज़्म से उट्ठे वो जहाँ से उट्ठे
हाए वो नाले कि जो अर्श-ए-बरीं तक पहुँचे
उफ़ वो तूफ़ाँ जो मिरे अश्क-ए-रवाँ से उट्ठे
कशिश-ए-हुस्न ने इक गाम भी चलने न दिया
फिर वहीं बैठ गए लोग जहाँ से उट्ठे
काम कुछ कर न सका वाइज़-ए-नादाँ का तिलिस्म
कितने तूफ़ाँ मिरी ख़ामोश फ़ुग़ाँ से उट्ठे
इन हिजाबात की अज़्मत को कहूँ क्या 'जौहर'
जो यक़ीं बन के मिरे वहम-ओ-गुमाँ से उट्ठे
rasan-o-dār se yā kū-e-butāñ se uTThe
fitna har haal meñ fitna hai jahāñ se uTThe
kitne jāñ-soz o dil-āvez haiñ vo naġhme bhī
sho.ala ban kar jo mire husn-e-bayāñ se uTThe
donoñ aalam meñ kahīñ un ko Thikānā na milā
jo tirī bazm se uTThe vo jahāñ se uTThe
haa.e vo naale ki jo arsh-e-barīñ tak pahuñche
uf vo tūfāñ jo mire ashk-e-ravāñ se uTThe
kashish-e-husn ne ik gaam bhī chalne na diyā
phir vahīñ baiTh ga.e log jahāñ se uTThe
kaam kuchh kar na sakā vā.iz-e-nādāñ kā tilism
kitne tūfāñ mirī ḳhāmosh fuġhāñ se uTThe
in hijābāt kī azmat ko kahūñ kyā 'jauhar'
jo yaqīñ ban ke mire vahm-o-gumāñ se uTThe
رسن و دار سے یا کوئے بتاں سے اٹھے
فتنہ ہر حال میں فتنہ ہے جہاں سے اٹھے
کتنے جاں سوز و دل آویز ہیں وہ نغمے بھی
شعلہ بن کر جو مرے حسن بیاں سے اٹھے
دونوں عالم میں کہیں ان کو ٹھکانا نہ ملا
جو تری بزم سے اٹھے وہ جہاں سے اٹھے
ہائے وہ نالے کہ جو عرش بریں تک پہنچے
اف وہ طوفاں جو مرے اشک رواں سے اٹھے
کشش حسن نے اک گام بھی چلنے نہ دیا
پھر وہیں بیٹھ گئے لوگ جہاں سے اٹھے
کام کچھ کر نہ سکا واعظ ناداں کا طلسم
کتنے طوفاں مری خاموش فغاں سے اٹھے
ان حجابات کی عظمت کو کہوں کیا جوہرؔ
جو یقیں بن کے مرے وہم و گماں سے اٹھے