रंगत ये रुख़ की और ये आलम नक़ाब का
दामन में कोई फूल लिए है गुलाब का
चारों तरफ़ से उस पे निगाहों का बार है
मुश्किल है उन को रुख़ से उठाना नक़ाब का
तस्कीन-ए-ख़ाक देते हैं रख कर जिगर पे हाथ
पहलू बदल रहे हैं मिरे इज़्तिराब का
मुद्दत हुई वही है ज़माने का इंक़िलाब
नक़्शा खिंचा हुआ है मिरे इज़्तिराब का
बचपन कहाँ तक उन की उमंगों को रोकता
आख़िर को रंग फूट ही निकला शबाब का
रोना ख़ुशी का रोती है बुलबुल बहार में
छिड़काव हो रहा है चमन में गुलाब का
झलकी दिखा के और वो बिजली गिरा गए
अच्छा किया इलाज मिरे इज़्तिराब का
ख़ाक-ए-चमन पे शबनम ओ गुल का अजब है रंग
साग़र किसी से छूट पड़ा है शराब का
खोए हुए हैं शाहिद ओ मअ'नी की धुन में हम
ये भी 'जलील' एक जुनूँ है शबाब का
rañgat ye ruḳh kī aur ye aalam naqāb kā
dāman meñ koī phuul liye hai gulāb kā
chāroñ taraf se us pe nigāhoñ kā baar hai
mushkil hai un ko ruḳh se uThānā naqāb kā
taskīn-e-ḳhāk dete haiñ rakh kar jigar pe haath
pahlū badal rahe haiñ mire iztirāb kā
muddat huī vahī hai zamāne kā inqilāb
naqshā khiñchā huā hai mire iztirāb kā
bachpan kahāñ tak un kī umañgoñ ko roktā
āḳhir ko rañg phuuT hī niklā shabāb kā
ronā ḳhushī kā rotī hai bulbul bahār meñ
chhiḌkāv ho rahā hai chaman meñ gulāb kā
jhalkī dikhā ke aur vo bijlī girā ga.e
achchhā kiyā ilaaj mire iztirāb kā
ḳhāk-e-chaman pe shabnam o gul kā ajab hai rañg
sāġhar kisī se chhūT paḌā hai sharāb kā
kho.e hue haiñ shāhid o ma.anī kī dhun meñ ham
ye bhī 'jalīl' ek junūñ hai shabāb kā
رنگت یہ رخ کی اور یہ عالم نقاب کا
دامن میں کوئی پھول لیے ہے گلاب کا
چاروں طرف سے اس پہ نگاہوں کا بار ہے
مشکل ہے ان کو رخ سے اٹھانا نقاب کا
تسکین خاک دیتے ہیں رکھ کر جگر پہ ہاتھ
پہلو بدل رہے ہیں مرے اضطراب کا
مدت ہوئی وہی ہے زمانے کا انقلاب
نقشا کھنچا ہوا ہے مرے اضطراب کا
بچپن کہاں تک ان کی امنگوں کو روکتا
آخر کو رنگ پھوٹ ہی نکلا شباب کا
رونا خوشی کا روتی ہے بلبل بہار میں
چھڑکاؤ ہو رہا ہے چمن میں گلاب کا
جھلکی دکھا کے اور وہ بجلی گرا گئے
اچھا کیا علاج مرے اضطراب کا
خاک چمن پہ شبنم و گل کا عجب ہے رنگ
ساغر کسی سے چھوٹ پڑا ہے شراب کا
کھوئے ہوئے ہیں شاہد و معنی کی دھن میں ہم
یہ بھی جلیلؔ ایک جنوں ہے شباب کا