रह रह के ज़बानी कभी तहरीर से हम ने
क़ाइल किया उस को इसी तदबीर से हम ने
किस सम्त लिए जाते हो और क्या है इरादा
पूछा न कभी अपने इनाँ-गीर से हम ने
दिल पर कोई क़ाबू न रहा जब तो किसी तौर
बाँधा है ये वहशी तिरी ज़ंजीर से हम ने
हर बार मदद के लिए औरों को पुकारा
या काम लिया ना'रा-ए-तकबीर से हम ने
बेहतर है कि अब काम कोई और किया कर
ये भी न कहा कातिब-ए-तक़दीर से हम ने
अपनी ही करामात दिखाते रहे सब को
सरक़ा न किया मो'जिज़ा-ए-'मीर' से हम ने
तख़रीब तो करते रहे सौ तरह की लेकिन
ये काम किया जज़्बा-ए-ता'मीर से हम ने
अब देखिए क्या इस का निकलता है नतीजा
माथा है लगाया हुआ तासीर से हम ने
वो बाम-ए-तमाशा हुआ ग़ाएब तो 'ज़फ़र' आज
लटका लिया ख़ुद को किसी शहतीर से हम ने
rah rah ke zabānī kabhī tahrīr se ham ne
qaa.il kiyā us ko isī tadbīr se ham ne
kis samt liye jaate ho aur kyā hai irāda
pūchhā na kabhī apne ināñ-gīr se ham ne
dil par koī qaabū na rahā jab to kisī taur
bāñdhā hai ye vahshī tirī zanjīr se ham ne
har baar madad ke liye auroñ ko pukārā
yā kaam liyā nā'ra-e-takbīr se ham ne
behtar hai ki ab kaam koī aur kiyā kar
ye bhī na kahā kātib-e-taqdīr se ham ne
apnī hī karāmāt dikhāte rahe sab ko
sarqa na kiyā mo'jiza-e-'mīr' se ham ne
taḳhrīb to karte rahe sau tarh kī lekin
ye kaam kiyā jazba-e-tā'mīr se ham ne
ab dekhiye kyā is kā nikaltā hai natīja
māthā hai lagāyā huā tāsīr se ham ne
vo bām-e-tamāshā huā ġhā.eb to 'zafar' aaj
laTkā liyā ḳhud ko kisī shahtīr se ham ne
رہ رہ کے زبانی کبھی تحریر سے ہم نے
قائل کیا اس کو اسی تدبیر سے ہم نے
کس سمت لیے جاتے ہو اور کیا ہے ارادہ
پوچھا نہ کبھی اپنے عناں گیر سے ہم نے
دل پر کوئی قابو نہ رہا جب تو کسی طور
باندھا ہے یہ وحشی تری زنجیر سے ہم نے
ہر بار مدد کے لیے اوروں کو پکارا
یا کام لیا نعرۂ تکبیر سے ہم نے
بہتر ہے کہ اب کام کوئی اور کیا کر
یہ بھی نہ کہا کاتب تقدیر سے ہم نے
اپنی ہی کرامات دکھاتے رہے سب کو
سرقہ نہ کیا معجزۂ میرؔ سے ہم نے
تخریب تو کرتے رہے سو طرح کی لیکن
یہ کام کیا جذبۂ تعمیر سے ہم نے
اب دیکھیے کیا اس کا نکلتا ہے نتیجہ
ماتھا ہے لگایا ہوا تاثیر سے ہم نے
وہ بام تماشا ہوا غائب تو ظفرؔ آج
لٹکا لیا خود کو کسی شہتیر سے ہم نے