रफ़्तगाँ का भी ख़याल ऐ अहल-ए-आलम कीजिए
आलम-ए-अर्वाह से सोहबत कोई दम कीजिए
हालत-ए-ग़म को न भूला चाहिए शादी में भी
ख़ंदा-ए-गुल देख कर याद अश्क-ए-शबनम कीजिए
ऐब-ए-उल्फ़त रोज़-ए-अव्वल से मिरी तीनत में है
दाग़-ए-लाला के लिए क्या फ़िक्र-ए-मरहम कीजिए
अपनी राहत के लिए किस को गवारा है ये रंज
घर बना कर गर्दन-ए-मेहराब को ख़म कीजिए
इश्क़ कहता है मुझे राम उस बुत-ए-वहशी को कर
हुस्न की ग़ैरत उसे समझाती है रम कीजिए
रात सोहबत गुल से दिन को हम-बग़ल ख़ुर्शीद से
रश्क अगर कीजे तो रश्क-ए-बख़्त-ए-शबनम कीजिए
दीदा-ओ-दिल को दिखाया चाहिए दीदार-ए-यार
हुस्न के आलम से आईनों को महरम कीजिए
शक्ल-ए-गुल हँस हँस के रोज़-ए-वस्ल काटे हैं बहुत
हिज्र की शब सुब्ह रो कर मिस्ल-ए-शबनम कीजिए
थी सज़ा अपनी जो शादी-मर्ग क़िस्मत ने किया
हिज्र में किस ने कहा था वस्ल का ग़म कीजिए
आप की नाज़ुक कमर पर बोझ पड़ता है बहुत
बढ़ चले हैं हद से गेसू कुछ इन्हें कम कीजिए
उठ गई हैं सामने से कैसी कैसी सूरतें
रोइए किस के लिए किस किस का मातम कीजिए
रोज़ मर्दुम शब किए देता है सुर्मा पोछिए
ख़ून होते हैं बहुत शौक़-ए-हिना कम कीजिए
आइने को रू-ब-रू आने न दीजे यार के
शाने से 'आतिश' मिज़ाज-ए-ज़ुल्फ़ बरहम कीजिए
raftagāñ kā bhī ḳhayāl ai ahl-e-ālam kījiye
ālam-e-arvāh se sohbat koī dam kījiye
hālat-e-ġham ko na bhūlā chāhiye shādī meñ bhī
ḳhanda-e-gul dekh kar yaad ashk-e-shabnam kījiye
aib-e-ulfat roz-e-avval se mirī tīnat meñ hai
dāġh-e-lāla ke liye kyā fikr-e-marham kījiye
apnī rāhat ke liye kis ko gavārā hai ye ranj
ghar banā kar gardan-e-mehrāb ko ḳham kījiye
ishq kahtā hai mujhe raam us but-e-vahshī ko kar
husn kī ġhairat use samjhātī hai ram kījiye
raat sohbat gul se din ko ham-baġhal ḳhurshīd se
rashk agar kiije to rashk-e-baḳht-e-shabnam kījiye
dīda-o-dil ko dikhāyā chāhiye dīdār-e-yār
husn ke aalam se ā.īnoñ ko mahram kījiye
shakl-e-gul hañs hañs ke roz-e-vasl kaaTe haiñ bahut
hijr kī shab sub.h ro kar misl-e-shabnam kījiye
thī sazā apnī jo shādī-marg qismat ne kiyā
hijr meñ kis ne kahā thā vasl kā ġham kījiye
aap kī nāzuk kamar par bojh paḌtā hai bahut
baḌh chale haiñ had se gesū kuchh inheñ kam kījiye
uTh ga.ī haiñ sāmne se kaisī kaisī sūrateñ
roiye kis ke liye kis kis kā mātam kījiye
roz mardum shab kiye detā hai surma pochhiye
ḳhuun hote haiñ bahut shauq-e-hinā kam kījiye
aa.ine ko rū-ba-rū aane na diije yaar ke
shāne se 'ātish' mizāj-e-zulf barham kījiye
رفتگاں کا بھی خیال اے اہل عالم کیجیے
عالم ارواح سے صحبت کوئی دم کیجیے
حالت غم کو نہ بھولا چاہئے شادی میں بھی
خندۂ گل دیکھ کر یاد اشک شبنم کیجیے
عیب الفت روز اول سے مری طینت میں ہے
داغ لالہ کے لیے کیا فکر مرہم کیجیے
اپنی راحت کے لیے کس کو گوارا ہے یہ رنج
گھر بنا کر گردن محراب کو خم کیجیے
عشق کہتا ہے مجھے رام اس بت وحشی کو کر
حسن کی غیرت اسے سمجھاتی ہے رم کیجیے
رات صحبت گل سے دن کو ہم بغل خورشید سے
رشک اگر کیجے تو رشک بخت شبنم کیجیے
دیدہ و دل کو دکھایا چاہئے دیدار یار
حسن کے عالم سے آئینوں کو محرم کیجیے
شکل گل ہنس ہنس کے روز وصل کاٹے ہیں بہت
ہجر کی شب صبح رو کر مثل شبنم کیجیے
تھی سزا اپنی جو شادی مرگ قسمت نے کیا
ہجر میں کس نے کہا تھا وصل کا غم کیجیے
آپ کی نازک کمر پر بوجھ پڑتا ہے بہت
بڑھ چلے ہیں حد سے گیسو کچھ انہیں کم کیجیے
اٹھ گئی ہیں سامنے سے کیسی کیسی صورتیں
روئیے کس کے لیے کس کس کا ماتم کیجیے
روز مردم شب کیے دیتا ہے سرمہ پوچھیے
خون ہوتے ہیں بہت شوق حنا کم کیجیے
آئنے کو روبرو آنے نہ دیجے یار کے
شانے سے آتشؔ مزاج زلف برہم کیجیے