रब्त असीरों को अभी उस गुल-ए-तर से कम है
एक रख़्ना सा है दीवार में दर से कम है
हर्फ़ की लौ मैं उधर और बढ़ा देता हूँ
आप बतलाएँ तो ये ख़्वाब जिधर से कम है
हाथ दुनिया का भी है दिल की ख़राबी में बहुत
फिर भी ऐ दोस्त तिरी एक नज़र से कम है
सोच लो मैं भी हुआ चुप तो गिराँ गुज़रेगा
ये अँधेरा जो मिरे शोर ओ शरर से कम है
वो बुझा जाए तो ये दिल को जला दे फिर से
शाम ही कौन सी राहत में सहर से कम है
ख़ाक इतनी न उड़ाएँ तो हमें भी 'बाबर'
दश्त अच्छा है कि वीरानी में घर से कम है
rabt asīroñ ko abhī us gul-e-tar se kam hai
ek raḳhna sā hai dīvār meñ dar se kam hai
harf kī lau maiñ udhar aur baḌhā detā huuñ
aap batlā.eñ to ye ḳhvāb jidhar se kam hai
haath duniyā kā bhī hai dil kī ḳharābī meñ bahut
phir bhī ai dost tirī ek nazar se kam hai
soch lo maiñ bhī huā chup to girāñ guzregā
ye añdherā jo mire shor o sharar se kam hai
vo bujhā jaa.e to ye dil ko jalā de phir se
shaam hī kaun sī rāhat meñ sahar se kam hai
ḳhaak itnī na uḌā.eñ to hameñ bhī 'bābar'
dasht achchhā hai ki vīrānī meñ ghar se kam hai
ربط اسیروں کو ابھی اس گل تر سے کم ہے
ایک رخنہ سا ہے دیوار میں در سے کم ہے
حرف کی لو میں ادھر اور بڑھا دیتا ہوں
آپ بتلائیں تو یہ خواب جدھر سے کم ہے
ہاتھ دنیا کا بھی ہے دل کی خرابی میں بہت
پھر بھی اے دوست تری ایک نظر سے کم ہے
سوچ لو میں بھی ہوا چپ تو گراں گزرے گا
یہ اندھیرا جو مرے شور و شرر سے کم ہے
وہ بجھا جائے تو یہ دل کو جلا دے پھر سے
شام ہی کون سی راحت میں سحر سے کم ہے
خاک اتنی نہ اڑائیں تو ہمیں بھی بابرؔ
دشت اچھا ہے کہ ویرانی میں گھر سے کم ہے