राज़-ए-इश्क़ इज़हार के क़ाबिल नहीं
जुर्म ये इक़रार के क़ाबिल नहीं
आँख पर ख़ूँ शक़ जिगर दिल दाग़दार
कोई नज़्र-ए-यार के क़ाबिल नहीं
दीद के क़ाबिल हसीं तो हैं बहुत
हर नज़र दीदार के क़ाबिल नहीं
दे रहे हैं मय वो अपने हाथ से
अब ये शय इंकार के क़ाबिल नहीं
जान देने की इजाज़त दीजिए
सर मिरा सरकार के क़ाबिल नहीं
छोड़ भी गुलशन को ऐ नर्गिस कहीं
ये हवा बीमार के क़ाबिल नहीं
शायरी को तब-ए-रंगीं चाहिए
हर ज़मीं गुलज़ार के क़ाबिल नहीं
ख़ामुशी मेरी ये कहती है 'जलील'
दर्द-ए-दिल इज़हार के क़ाबिल नहीं
rāz-e-ishq iz.hār ke qābil nahīñ
jurm ye iqrār ke qābil nahīñ
aañkh par ḳhuuñ shaq jigar dil dāġhdār
koī nazr-e-yār ke qābil nahīñ
diid ke qābil hasīñ to haiñ bahut
har nazar dīdār ke qābil nahīñ
de rahe haiñ mai vo apne haath se
ab ye shai inkār ke qābil nahīñ
jaan dene kī ijāzat dījiye
sar mirā sarkār ke qābil nahīñ
chhoḌ bhī gulshan ko ai nargis kahīñ
ye havā bīmār ke qābil nahīñ
shā.erī ko tab-e-rañgīñ chāhiye
har zamīñ gulzār ke qābil nahīñ
ḳhāmushī merī ye kahtī hai 'jalīl'
dard-e-dil iz.hār ke qābil nahīñ
راز عشق اظہار کے قابل نہیں
جرم یہ اقرار کے قابل نہیں
آنکھ پر خوں شق جگر دل داغ دار
کوئی نذر یار کے قابل نہیں
دید کے قابل حسیں تو ہیں بہت
ہر نظر دیدار کے قابل نہیں
دے رہے ہیں مے وہ اپنے ہاتھ سے
اب یہ شے انکار کے قابل نہیں
جان دینے کی اجازت دیجیے
سر مرا سرکار کے قابل نہیں
چھوڑ بھی گلشن کو اے نرگس کہیں
یہ ہوا بیمار کے قابل نہیں
شاعری کو طبع رنگیں چاہیئے
ہر زمیں گل زار کے قابل نہیں
خامشی میری یہ کہتی ہے جلیلؔ
درد دل اظہار کے قابل نہیں